JakayaKikwete2010

Matokeo ya Uchaguzi Tanzania

2010-11-05T17:35:00.000+03:00

Matokeo ya uchaguzi wa Jamhuri ya Muungano wa Tanzania kwa mujibu wa Tume ya Uchaguzi ya Taifa.

Walio piga kura 8,626,283 – 42.84%

Kura zilizoharibika – 227,889 – 2.64%

Kura halali – 8,393,394 – 97.36%

Idadi ya kura na asilimia kwa kila chama ni kama ifuatavyo:

1. APPT Maendeleo - 96,933 – 1.12%

2. Chama Cha Mapinduzi – 5,276,827 – 61.17%

3. CHADEMA – 2,271,941 – 26.34%

4. CUF – 695,667 – 8.06%

5. NCCR Mageuzi – 26,388 – 0.31%

6. TLP – 17,482 – 0.20%

7. UPDP – 13,176 – 0.15%

CCM Yahitimisha Kampeni Jangwani Leo. JK awasuta wanao beza maendeleo

2010-10-30T17:58:00.003+03:00

Mgombea urais wa Tanzania kupitia CCM, Jakaya Kikwete, akihutubia maelfu ya wakazi wa jiji la Dar es Salaam na vitongoji vyake, wakati akihitimisha mikutano yake ya kampeni kwenye viwanja vya Jangwani jijini Dar es Salaam leo jioni Oktoba 30, 2010. Uchaguzi mkuu wa Tanzania utafanyika Jumapili Oktoba 31, 2010.

Wafuasi wa CCM wakishangilia hotuba ya mgombea urais wa Tanzania kupitia CCM, Jakaya Kikwete wakati akihitimisha mikutano yake ya kampeni kwenye viwanja vya Jangwani jijini Dar es Salaam Oktoba 30, 2010.

- Asema hakuna mchawi wakati huu!
- Asema hakuna haja ya kuiba gari la vipodozi na kujaza makaratasi ya kura, CCM itashinda tu!

Mgombea Urais wa Tanzania kupitia Chama Cha Mapinduzi amewashukuru wana CCM leo kwenye hutuba yake ya kufunga kampeni kwa kukipigania Chama chake na kuwaandalia mapokezi mazuri kipindi chote cha kampeni.

Amesema ametembea nchi nzima na kufanya mikutano mikubwa kwenye majukwaa 280, na ile ya kusimama njiani na ya ndani 420 nchi nzima.

Aliongeza CCM ni chama pekee ambacho kimezunguka Tanzania nzima na kuzungukia majimbo yote 330 ya uchaguzi Tanzania nzima. Alisema yeye akishirikiana na mgombea mwenza Dr. Gharib Bilal wamezunguka kote ambako mmoja wao alishindwa kutembelea, mwingine alisaidia. Alisisitiza kuwa kuna baadhi ya maeneo mengine nchini ambapo yeye na mgombea mwenza walipita na kufanya mikutano mikubwa ya kampeni.

Akimshukuru Mama Salma kwa kuendesha kampeni kubwa kwa ajili ya Chama Cha Mapinduzi, Mheshimiwa Kikwete alisema Mama Salma ameonyesha ujasiri mkubwa na uwezo mkubwa wa kunadi sera za chama chake.

"Japo wapinzani hawakupenda jitihada hizo, lakini wao wengine hawana wake (hawajaoa), wengine wanataka kuingia Ikulu na "ma first lady" wa wenzao (wake za watu). Nasema Mungu atunusuru na viongozi kama hao". Alisema Kikwete huku akishangiliwa na umati mkubwa wa watu waliofurika viwanja vya Jangwani.

Mheshimiwa Kikwete alichukua nafasi hiyo pia kuelezea wana CCM na wananchi waliohudhuria mkutano huo mkubwa kuwa wakati anazunguka mikoani, aliwaeleza wananchi sera na malengo ya CCM na wao walikubali na kumuhakikishia watachagua tena CCM iendelee kuongoza.

Mwishoni Mheshimiwa Kikwete aliwaomba Watanzania wote kupitia mkutano huo wachague Chama Cha Mapinduzi kwani ni waaminifu na wanatoa ahadi zinazotekelezeka. "Hakuna chama kingine kama CCM" alisema.

"Mzee Mkapa ameeleza maneno ya busara, uchaguzi huu usitugawe...wanataka kuingia Ikulu kwa ngazi ya maiti za Watanzania? Tuwaepuke viongozi hao. Msiwasikilize, achaneni nao" Kikwete alisisitiza.

Aliahidi Watanzania kuwa yeye na Dkt Bilal wakichaguliwa, watatumia uzoefu wao wa miaka mingi kwenye utumishi wa umma, kulinda amani na utulivu, na kuendeleza maendeleo ya taifa la Tanzania.

Alisisitiza serikali yao itajali maslahi ya watu wote, wenye ulemavu, watoto, vijana, wazazi, wazee na watu wa matabaka yote. Kama serikali ya CCM inavyovyofanya sasa. Pia aliwasihi Watanzania wajitokeze kwa wingi kwenda kupiga kura siku ya uchaguzi kwani ni haki yao ya msingi na ya kikatiba.

Mkutano wa Kampeni Jangwani - Mzee Ruksa na Mkapa wampigia chapuo JK

2010-10-30T17:21:00.001+03:00

Rais mstaafu wa awamu ya tatu Benjamin Mkapa akimpongeza Rais Dr.Jakaya Mrisho Kikwete katika viwanja vya Jangwani jijini Dar es Salaam.

Wakati mkutano wa kampeni wa Mgombea Urais wa Tanzania kupitia Chama Cha Mapinduzi Mheshimiwa Kikwete ukiendelea viwanja vya Jangwani, marais wastaafu wa awamu ya pili na ya tatu wamemnadi Mheshimiwa Kikwete leo.

Akimnadi Mheshimiwa Kikwete, Rais Mstaafu wa Awamu ya Tatu Mheshimiwa Benjamin William Mkapa amewasuta waliosema amemtelekeza Rais Kikwete na kampeni zake. Alisema kamwe hawezi kumuacha Rais Kikwete kwani uongozi wake unasifika dunia nzima.

Mheshimiwa Mkapa alisema amemjua Rais Kikwete na kufanya naye kazi muda mrefu tangu akiwa mkuu wa wilaya yake. Walifanya kazi kwa pamoja kuukimbiza mwenge na kuukabidhi wilaya inayofuata.

Mheshimiwa Mkapa alisema anatambua kuwa Rais Kikwete ana dhamira ya kuongoza, anaijua hali halisi ya nchi yetu kisiasa, kiuchumi na kwa kila hali. Hakuna mgombea kama yeye. "Wagombea wengine wanaitana mmoja ni Kilimanjaro mwingine ni kichuguu. Mimi nasema wote ni kokoto!"

Umati wa wanachama wa CCM katika viwanja vya jangwani waliohudhuria mkutano wa kilele cha kampeni jijini Dar es Salaam leo mchana.

Umati wa wanachama wa CCM katika viwanja vya jangwani waliohudhuria mkutano wa kilele cha kampeni jijini Dar es Salaam leo mchana.

Alisema anasikitika kuwa hakupata nafasi ya kwenda Zanzibar kuwasihi waendeleze amani na utulivu wakati wa uchaguzi. Alisisitiza kuwa anaunga mkono uamuzi wa wazanzibari wa kuunda serikali ya muungano, lakini anaamini kuwa ni CCM pekee ndiyo itakayoweza kuongoza na kuendeleza mapinduzi ya 1964.

Mkutano wa Kampeni Jangwani, Dar es salaam

2010-10-30T16:18:00.001+03:00

Baada ya siku 69 za kampeni kutetea kiti chake cha urais, Mgombea Urais wa Jamhuri ya Muungano wa Tanzania kupitia Chama Cha Mapinduzi, Mheshimiwa Jakaya Mrisho Kikwete leo anahitimisha kampeni zake kwenye viwanja vya Jangwani wilayani Ilala, Mkoa wa Dar es salaam.

Akitoa utangulizi kabla ya Mheshimiwa Kikwete kuhutubia maelfu ya wana CCM waliohudhuria mkutano huo, Katibu Mkuu wa CCM Lt. Mstaafu Yusuph Makamba alisema Mheshimiwa Kikwete amefanya kampeni safi iliyojumuisha mikutano 330 nchi nzima, na alisafiri kwa barabara na anga umbali wa kilometa 22,000 nchi nzima.

Mheshimiwa Kikwete anategemewa kuhutubia mkutano huu mkubwa muda mchache kutokea sasa, baada ya katibu wa chama kuongea na mgombea mwensa Dr. nilal Hutuba hiyo itarushwa moja kwa moja vituo vya Start TV na TBC na kwenye mtandao itarushwa moja kwa moja na VIZA TV kupitia habaricom.

Mkutano wa Mgombea Urais wa CCM na waandishi wa habari - Picha

2010-10-29T23:35:00.001+03:00

Mazungumzo ya Mheshimiwa Kikwete na waandishi wa habari

2010-10-29T22:02:00.000+03:00

Baadhi ya wageni waalikwa wakisikiliza mazungumzo ya Mheshimiwa Kikwete na waandishi wa habari

Wawakilishi wa TBC Susan Mongy na ITV Masatu wakiwa kwenye mazungumzo na Mheshimiwa Kikwete leo

Awamu ya pili ya maswali ya wawakilishi wa vituo vya televisheni mbalimbali nchini kwa mgombea urais wa Tanzania kupitia Chama Cha Mapinduzi Mheshimiwa Jakaya Mrsiho Kikwete imeanza wakati wa mazungumzo yake na waandishi wa habari.

Baadhi ya maswali yaliyoulizwa ni yale kuhusiana na maboresho kwenye sekta ya afya na ahadi za mgombea kwa Watanzania kuhusiana na afya, manung'uniko kuhusu utoaji wa haki katika mahakama, tatizo la rushwa na jinsi mgombea atakavyoendesha mapambano dhidi ya rushwa.

Mwisho Mheshimiwa Kikwete alitoa rai kwa Watanzania wote kutumia nafasi waliyopewa kikatiba ya kuchagua kiongozi wanayemtaka. Pia aliongeza kuwa Watanzania tuna historia ya amani duniani kote haswa kipindi cha uchaguzi. Aliwasihi watanzania kutofuata muelekeo wa kuchagua viongozi kwa misingi ya dini kwani kwa kufanya hivyo, itaweza kuleta migogoro nchini baada ya uchaguzi.

Mazungumzo ya Mheshimiwa Jakaya Kikwete na waandishi wa habari Leo

2010-10-29T21:44:00.000+03:00

Mheshimiwa Kikwete akiwa kwenye mazungumzo na wawakilishi wa vituo mbalimbali vya televisheni nchini usiku wa leo

Baadhi ya waalikwa wakisikiliza mazungumzo ya baina ya mgombea urais wa Tanzania kupitia CCM na waandishi wa habari usiku wa leo tarehe 29.10.2010

Mheshimiwa Kikwete akiingia kwenye ukumbi wa Arnaoutoglou jijini Dar es salaam kuanza mazungumzo na waandishi wa habari leo.

Mgombea Urais wa Tanzania kupitia Chama Cha Mapinduzi Mheshimiwa Jakaya Mrisho Kikwete akiwa kwenye mazungumzo na waandishi wa habari leo tarehe 29.10.2010

Mazungumzo ya mgombea urais wa Tanzania kupitia Chama Cha Mapinduzi, Mheshimiwa Jakaya Mrisho Kikwete na waandishi wa Habari yanaendelea kwenye ukumbi wa Arnautoglou kuanzia saa mbili usiku hadi saa nne usiku.

Baadhi ya maswali yaliyo ulizwa na wawakilishi wa vituo mbalimbali vya televisheni ni:

- Kuhusu mtazamo wake kuhusiana na wizi wa kura vituoni wakati wa upigaji kura.

- Matokeo ya tafiti mbalimbali zinazoashiria matokeo ya uchaguzi mkuu wa 2010,

- Ajira kwa vijana,

- Maendeleo kwenye sekta ya elimu,

- Halihalisi ya nchi katika mizunguko yake ya kampeni nchi nzima,

- "Legacy" atakayowaachia watanzania pindi atakapomaliza muda wake wa uongozi

- Aliwezaje kuwanadi wagombea ubunge na udiwani wa CCM waliokuwa na kesi mbalimbali na shutuma mahakamani

- Na mwisho ni sura ipi ya serikali atakayoiunda pindi akifanikiwa kuendelea kuongoza ambapo atamuachia kiongozi mwingine tayari kuanza safari ya mwaka 2025 ya malengo ya milenia.

Awamu ya kwanza ya maswali imemalizika, na sasa awamu ya pili ya maswali inaanza.

Mazungumzo haya yanarushwa moja kwa moja na vituo vyote vya televisheni. Pia Radio Clouds na Radio Uhuru wanarusha mazungumzo haya mojakwamoja.

VIZA televisheni ya kwenye mtandao wa internet kupitia HabariCom inarusha mazungumzo haya moja kwa moja kwenye mtandao wa internet, pamoja na kurasa zote za jamii za jakayakikwete2010 (social media sites) za twitter, facebook na blogspot.

Mkutano wa Mgombea Urais wa Tanzania kupitia CCM na Waandishi wa Habari

2010-10-29T20:15:00.002+03:00

Mgombea urai wa Tanzania kupitia Chama Cha Mapinduzi, Mheshimiwa Jakaya Mrisho Kikwete akiwa kwenye mazungumzo na waandishi wa habari usiku huu kwenye ukumbi wa Arnautoglou jijini Dar es salaam leo tarehe 29.10.2010

Mkutano wa Mheshimiwa Jakaya Mrisho Kikwete na waandishi wa habari unaendelea sasa hivi kwenye ukumbi wa Arnautoglou Mnazimmoja jijini Dar es salaam.

Mkutano huo unaojumuisha maswali yanayoulizwa na wawakilishi wa vyombo vya habari na kuratibiwa na Bi. Asha Mtwangi, unahusisha vituo tisa vya televisheni vikiwemo ATN, Channel 10, East Africa TV, TBC, TV Milimani, Clouds TV, Star TV na ITV.

Mkutano wa Kampeni Mwembeyanga (Temeke) - JK afunika TMK (Picha)

2010-10-27T18:21:00.001+03:00

Akiwa jukwaani Mgombea Urais kupitia CCM Mheshimiwa Jakaya Kikwete akiwapungia wananchi wa Temeke mara tu baada ya kwasili kwenye mkutano wa kampeni huko Mwembeyanga tarehe 27.10.2010.

Wanamuziki wa kizazi kipya wakiporomosha muziki muda mfupi kabla ya Mgombea Urais kupia CCM Mheshimiwa Jakaya Kikwete kuhutubia mkutano wa kampeni huko Mwembeyanga tarehe 27.10.2010.

Umati mkubwa wa wananchi waliofurika kwenye mkutano wa kampeni wa CCM uliofanyika huko Mwembeyanga na kuhutubiwa na Rais kikwete.

Mikutano ya Kampeni Dar es salaam: JK amshitaki aliyemtusi

2010-10-27T18:08:00.000+03:00

Na Mgaya Kingoba, Dar es salaam

MGOMBEA Urais wa CCM, Rais Jakaya Kikwete amemshitaki kwa wananchi mgombea ubunge wa Temeke kupitia Chadema aliyemtusi katika mkutano wa kampeni, akiwataka wamnyime kura yeye na chama hicho.

Amewafananisha mgombea huyo na chama chake kuwa majuha waliokata tamaa ndio maana wanatukana, na kuwataka wananchi wajihadhari nao kwa kuwanyima kura.

Rais Kikwete alitoa kauli hiyo kwa nyakati tofauti akihutubia mikutano mikubwa ya kampeni Kiwalani Jimbo la Segerea na Kivule jimboni Ukonga mkoani Dar es Salaam.

“Vinywa vyao vichafu hujapata kuona. Nimeambiwa kwenye mkutano mmoja jana, sijui wapi (baadhi ya wananchi wakajibu Mwembeyanga) kuna mtu alikuwa akivurumisha matusi…mimi nilikuwa safarini.

“Wanazozana tu hao, ni mkusanyiko wa majuha, wameshakata tamaa. Jihadharini nao, dawa yao ni kuwashikisha adabu kwa kuwanyima kura,” alisema Rais Kikwete akihutubia maelfu ya wananchi Kiwalani.

Akiwa katika mkutano wa kampeni jana kwenye Viwanja vya Mwembeyanga, Temeke, mgombea ubunge wa Chadema, Dickson Amos alitumia fursa aliyopewa na mgombea urais, Dk. Willibrod Slaa, kumtusi Rais Kikwete na mama yake.

Akiwa Kivule, alisema siasa ni malumbano ya sera kwa kuwashawishi wananchi namna utakavyoshinda.

Katika mikutano yote hiyo, Rais Kikwete alifafanua Ilani ya Uchaguzi ya CCM kwa mwaka 2010 – 2015 kwa kueleza namna itakavyoshughulikia masuala mbalimbali nchini na katika Mkoa wa Dar es Salaam.

Katika afya, alisema vituo vya afya vya Buguruni na Kivule vitapandishwa hadhi na kuwa Hospitali, na Hospitali ya Wilaya ya Amana itabaki kuwa ya Mkoa.

Alisema zahanati zote za kata zitapandishwa hadhi na kuwa vituo vya afya na vituo vya afya vitapandishwa kuwa hospitali ndogo ili zihudumie watu wengi kutokana na kata za Jiji kuwa na idadi kubwa ya wakazi.

Kuhusu Ukimwi, alisisitiza wananchi wa Dar es Salaam kujihadhari na ugonjwa huo hatari kwa sababu kasi ya maambukizi ni kubwa ikiwa ni asilimia 9.3 na watu 61,443 wanatumia dawa za kupunguza makali ya ugonjwa huo.

Akizungumzia maji, alieleza mikakati ya kuboresha upatikanaji wa huduma hiyo muhimu kwa kuboresha vyanzo vya maji vya Ruvu Juu, Ruvu Chini na Mtoni.

Kuhusu uwezeshaji wananchi kiuchumi, alieleza mikakati ya kuwapatia wafanyabiashara ndogo majengo kama la Machinga lililojengwa Uwanja wa Karume, Ilala, na pia kuendelea kutoa fedha kupitia mifuko mbalimbali.

Alisema katika Mkoa wa Dar es Salaam, vyama vya kuweka na kukopa vimeweza kutoa mikopo ya Sh bilioni 130.

Akiwa Kivule, alikubali ombi la mgombea ubunge wa Ukonga, Eugen Mwaiposa, la kutaka wakazi wa mji huo na ule wa Kipunguni kutohamishwa kwa madai eneo hilo lilitengwa kwa ajili ya kujengwa viwanda.

“Nitawasaidia kulisemea hili katika mamlaka husika. Tutatafuta maeneo mengine ya viwanda, lakini hapa watu wataendelea kukaa, hilo limeishia hapo. Waambieni wawape vibali muishi,” alisema Rais Kikwete na kushangiliwa na maelfu ya wakazi waliohudhuria mkutano huo.

Aliwanadi wagombea wa ubunge wa majimbo hayo, dk. Milton Mahanga na Mwaiposa, na kueleza kuwa wanatosha kushika nafasi hizo, hivyo kuomba wachaguliwe.

Mgombea huyo wa Urais wa CCM atakamilisha kampeni zake Jumamosi, siku moja kabla ya Watanzania kupiga kura katika Uchaguzi Mkuu wa nne wa vyama vingi, huku akitabiriwa kupata ushindi.

…siyo kushindana kwa matusi jukwaani, kuchomana visu na kuua. Hawa hawaaminiki kushika madaraka ya nchi, ni sawa na kumpa fisi bucha kulinda,” alieleza Rais Kikwete.Rais Kikwete alisema katika CCM, hawahubiri kumwaga damu, udini, kutukana wala mifarakano katika jamii kwa sababu mambo hayo hayapo katika sera za chama hicho.

Mkutano wa Kampeni Kata ya Kivule Jimbo la Ukonga: JK ahimiza amani na mshikamano, aahidi kuikabili kero ya maji Dar

2010-10-27T17:35:00.001+03:00

Mgombea Urais wa Tanzania kupitia Chama Cha Mapinduzi akiwa na furaha na hamasa wakati anahutubia mkutano wa kampeni Jimbo la Ukonga leo. Mheshimiwa Kikwete aliwashukuru wana CCM kwa kuendeleza amani na utulivu kwani hata mikutano ya CCM ya kampeni ni ya furaha na kusheherekea mafanikio yaliyopatikana na kufafanua yale yanayo kuja.

Wafuasi wa Chama Cha Mapinduzi wakishangilia kwa furaha hotuba ya mwenyekiti wa CCM taifa na Mgombea Urais wa Tanzania kupitia CCM Mheshimiwa Jakaya Mrisho Kikwete leo kwenye Jimbo la Ukonga. Mkutano huo ulitawaliwa na burudani na shangwe ambapo wana CCM walihimiza mshikamano na amani wakati wa mikutano ya kampeni.

Mgombea Urais wa Tanzania kupitia Chama Cha Mapinduzi Mheshimiwa Jakaya Mrisho Kikwete leo ameeleza kuwa serikali ya CCM ikipewa tena ridhaa ya kuongoza miaka mitano ijayo itahakikisha tatizo la maji jijini Dar es salaam linakwisha.

Mheshimiwa Kikwete aliyasema hayo kwenye mkutano wa kampeni Kata ya Kivule jimbo jipya la Ukonga jijini Dar es salaam ambapo maelfu ya wakazi wa maeneo hayo walijitokeza kwa wingi kumsikiliza.

Alisema tatizo la maji Dar es salaam limekuwa sugu kwasababu nyingi zikiwemo

Uchache wa vyanzo vya maji ambavyo havitoshelezi mahitaji ya wakazi wa jiji
Mtandao wa maji uliopo sasa ni wa zamani na hivyo unahitaji ukarabati wa mara kwa mara
Maeneo mapya ya mji hakuna kabisa mtandao wa maji kutokana na ongezeko kubwa la watu Dar es salaam.

Alisema mahitaji ya maji kwa jiji la Dar es salaam kwa sasa ni mita za ujazo 360,000 na maji yaliyopo ni mita za ujazo 155,000 tu.

Aliongeza kuwa serikali ya CCM imeanza kushughulikia tatizo hilo ambapo utafiti uliofanywa unaonyesha kuwa Kimbiji kuna maji mengi ya kutatua tatizo hilo. Baada ya uchimbaji wa visima kukamilika na mabomba kutandazwa, utafiti unaonyesha kuwa mita za ujazo 260,000 zitapatikana.

Mheshimiwa Kikwete pia alichukua muda mwingi kuelezea mafanikio yaliyopatikana miaka mitano iliyopita ikiwemo upanuzi mkubwa wa sekta ya elimu jimboni Ukonga. Alisema kuwa sasa hivi wanafunzi 42,120 wanaendelea na masomo ya sekondari ukilinganisha na miaka mitano iliyopita ambapo ni wanafunzi 10,000 tu waliokuwa wanaendelea na elimu ya sekondari.

Naye Mgombea Ubunge wa Jimbo la Segerea, aliongelea mafanikio hayo (jimbo jipya la Ukonga) na kusema kuwa kati ya shule 34 za kata zilizojengwa hivi karibuni, 22 zimejengwa jimbo la Ukonga.

Kwenye mkutano huo pia walinadiwa wagombea udiwani na ubunge wa Jimbo la Ukonga ambapo wananchi walisema bado wanaimani na CCM na wana imani na Mheshimiwa Kikwete hivyo wataipigia kura CCM na wagombea wake.

Mkutano wa Kampeni Kiwalani Jimbo la Ukonga (Segerea): Mahanga ajivunia shule za sekondari za kata

2010-10-27T12:35:00.002+03:00

Wafuasi wa CCM, wakishangilia hotuba ya mgombea urais kupitia CCM, Jakaya Kikwete, wakati alipohutubia mkutano wa kampeni huko Kiwalani nje kidogo ya jiji la Dar es salaam leo tarehe 27.10.2010.

Mgombea ubunge wa Jimbo la Ukonga (na sasa Segerea) Mheshimiwa Makongoro Mahanga amejivunia mafanikio makubwa yaliyopatikana kwenye miaka mitano iliyopita ya upanuzi mkubwa wa elimu jimboni hapo.

Alisema ilani ya uchaguzi ya CCM ya mwaka 2005-2010 imefanikisha ujenzi wa shule za sekondari 34 na kufanya jimbo hili kuongoza nchi nzima kwa ujenzi wa shule nyingi mpya nchi nzima.

Aliyasema hayo kwenye mkutano wa kampeni Kiwalani wa mgombea Urais wa Tanzania kupitia Chama Cha Mapinduzi Mheshimiwa Jakaya Mrisho Kikwete ambapo leo yuko kwenye Mkoa wa Dar es salaam kwa ajili ya kunadi sera za CCM na kuomba wananchi ridhaa ya uongozi.

Naye Mwenyekiti wa CCM Mkoa wa Dar es salaam, kabla ya kumkaribisha Mheshimiwa Kikwete kutoa hotuba yake ya kampeni, alichukua nafasi hiyo kuwasihi wananchi wa Kiwalani kuchagua CCM na wagombea wake. Pia alimuahidi Mheshimiwa Kikwete kwamba CCM mkoa watajitahidi ili CCM ishinde kwa kishindo, majimbo yote nane ya Mkoa wa Dar es salaam.

Kwenye hotuba yake ya kampeni Mheshimiwa Kikwete alisema CCM ni waaminifu na wakiahidi wanatekeleza ahadi zao hivyo wachague CCM iendelee kuongoza.

Aliongeza kuwa katika ilani ya uchaguzi ya CCM mwaka 2005 - 2010, elimu ilipewa kipaumbele na kupewa asilimia ishirini ya bajeti ya serikali. Lengo la serikali ya CCM kutenga bajeti hiyo kubwa ni kukabiliana na changamoto zilizopo ili bajeti hiyo ikidhi mahitaji yaliyopo.

Akielezea mpango wa uboreshaji wa huduma ya afya, Mheshimiwa Kikwete alieleza kuwa mwaka 2005 CCM iliahidi Watanzania, itasogeza huduma za afya karibu na wananchi walipo na lengo ni kuwa Mtanzania asisafiri zaidi ya kilometa tano kufuata huduma ya afya.

"Ndipo CCM ilipoanzisha mpango wa kujenga zahanati kwenye kila kata, na kwa kipindi cha miaka mitano inayokuja 2010 - 2015, zahati hizo zitapandishwa hadhi kuwa vituo vya afya, na kwa miji kama Dar es salaam, vituo hivyo vitakuwa hospitali ndogondogo". Alisema Mheshimiwa Kikwete.

Mheshimiwa Kikwete pia alizungumzia mpango wa upatikanaji wa huduma ya maji ambapo alisema jiji la Dar es salaam lina upungufu mkubwa wa maji kutokana na ongezeko la watu mijini.

Kwa upande wa miundombinu ya barabara, Mheshimiwa Kikwete alisema jitihada mbalimbali zimefanyika ili kukabiliana na changamoto iliyopo mijini kuwa na magari mengi kwa kufanya upanuzi wa barabara kubwa. "Lakini mpango mkubwa uliopo sasa ni wa kujenga barabara za juu "fly-overs" ambazo zitasaidia sana kupanga mji na pia kupunguza tatizo hili sugu.

Mheshimiwa Kikwete pia alielezea jitihada mbalimbali za serikali yake kuwainua wananchi kiuchumi ikiwemo mifuko ya fedha na uwezeshaji wa vijana kupata ajira.

Mwishoni Mheshimiwa Kikwete alimnadi Dkt Makongoro Mahanga ambaye ni mgombea ubunge wa jimbo la Segerea na madiwani wa kata zote jimboni hapo.

Mkutano wa Kampeni Nyamagana: Umati mkubwa wafurika kumsikiliza JK

2010-10-26T18:49:00.003+03:00

Mgombea Urais wa Tanzania kupitia Chama Cha Mapinduzi Mheshimiwa Jakaya Mrisho Kikwete akisalimiana na wananchi wa jimbo la Nyamagana alipowasili kwenye mkutano wa kampeni jioni ya leo.

Mapokezi makubwa yamemkaribisha Mheshimiwa Jakaya Mrisho Kikwete mgombea urais wa Tanzania kwa tiketi ya Chama Cha Mapinduzi jimbo la Nyamagana mkoani Mwanza jioni hii.

Kwenye mkutano wake wa kampeni Mheshimiwa Kikwete alisema CCM ni chama kinachohubiri amani, utulivu na mshikamano na sio chuki na kupigana vita. Hivyo Watanzania wawape nafasi ya kuendelea kuongoza nchi kwa awamu nyingine tena. Alibeza vyama vya siasa vilivyoshindwa kuelezea sera zao na kuhubiri chuki au kutangaza vita.

"Siasa ni ushindani wa sera na mipango ya maendeleo na sio kushindana kurusha mawe na kutupiana matusi kwenye majukwaa" Alisema Mheshimiwa Kikwete huku akishangiliwa na umati mkubwa wa wana Nyamagana waliofurika kwenye uwanja wa Sahara Kata ya Pamba, jimbo la Nyamagana.

Mheshimiwa Kikwete aliyetokea Chato mkoani Kagera, alielezea jitihada za CCM za kuleta maisha bora kwa kila Mtanzania kwa kuboresha huduma za jamii. Alielezea mpango mkubwa wa kusaidia vijiji kumi na mbili vya wilaya hii ya Nyamagana kupata maji safi na salama, unaofadhiliwa na benki ya dunia.

"Miji na Vijiji kumi na nane vitapatiwa umeme katika mkoa huu wa Mwanza ikiwemo Nyamagana na Ukerewe" alieleza Mheshimiwa Kikwete wakati akielezea mpango mkubwa wa kuboresha huduma ya umeme.

Huduma nyingine alizozitolea ufafanuzi ni ile ya ujenzi wa barabara, kilimo kwanza ili kuendeleza wakulima na wafugaji, upanuzi mkubwa wa elimu n.k.

Kabla ya kuhutubia mkutano huo mkubwa wa kampeni, mgombea ubunge wa Jimbo la Nyamagana Mheshimiwa Lawrence Kego Masha aliwahimiza wananchi hao kuwa makini na vyama ambavyo havitawaletea maendeleo na kuwasihi wachague CCM.

Mkuto wa Kampeni Nkome:JK apokelewa kwa Kishindo

2010-10-26T12:10:00.001+03:00

- Maelfu wajitokeza kumlaki kwenye mkutano wa kampeni
-Amnadi Mgombea Ubunge Bwana Donald Max na Madiwani wote wa CCM

Mheshimiwa Jakaya Kikwete akiwasalimia wananchi wa Bugando alipowasili kwenye mkutano wa kampeni Nkome Wilayani Geita leo.

Maelfu ya wananchi wa Nkome wakimshangilia mgombea urais Mheshimiwa Jakaya Mrisho Kikwete alipokuwa anahutubia mkutano mkubwa wa kampeni leo Nkome.

Mheshimiwa Kikwete akisalimiana na maelfu ya wananchi waliojitokeza kwenye mapokezi Nkome leo

Mapokezi ya aina yake yamefanyika hapa Nkome Tarafa ya Bugando wilayani Geita Mkoa wa Mwanza kumpokea Mwenyekiti wa CCM Taifa na mgombea urais kupitia CCM Mheshimiwa Jakaya Mrisho Kikwete leo asubuhi.

Mheshimiwa Kikwete amefanya mkutano mkubwa wa kampeni kata hiyo akinadi sera za chama chake akisisitiza mipango madhubuti ya CCM kwa miaka mitano ijayo ikiwemo ujenzi wa barabara na uimarishaji wa huduma za afya na maji.

Kabla ya hapo Mheshimiwa Kikwete pia alisimama vijiji vya Kasota na Nzera wilayani Geita ambapo pia alifanya mikutano ya kampeni na kunadi sera za CCM na kuwaombea kura wagombea udiwani na mgombea ubunge wa jimbo hilo.

Ikiwa ni siku yake ya mwisho ya kampeni mikoani, Mheshimiwa Kikwete anategemewa kufanya mikutano ya kampeni Muganza, Chato (Kagera), Nyang'wale na hatimaye Mwanza mjini kwenye uwanja wa Nyamagana.

Mkutano wa Kampeni Sumve na Ngudu Wilayani Kwimba, Mwanza

2010-10-25T16:18:00.002+03:00

Mgombea urais wa Tanzania kupitia CCM, Jakaya Kikwete, akipokea bendera ya CHADEMA, kutoka kwa mwenyekiti wa Wanawake wa chama hicho jimbo la Kwimba, Monika Jimotoli mara baada ya kutangaza kukihama chama hicho kwenye mkutano wa kampeni uliofanyika jimboni humo. Monika amehama chama hicho na wenzake 18.

Mgombea urais wa Tanzania kupitia CCM, Jakaya Kikwete, akisalimia wananchi wakati akiwasili kuhutubia mkutano wa kampeni tarafa ya Nyamatala jimbo la Sunve wilaya ya Kwimba mkoani Mwanza.

- Mwenyekiti wa Chadema Kwimba atinga CCM na wengine 18: Asema CHADEMA Kwimba imekufa!- Kikwete aainisha malengo ya CCM kwa miaka mitano ijayo

- Awasihi wana Kwimba kuchagua tena CCM

Mheshimiwa Kikwete amewasihi wananchi wa Sumve leo kuchagua CCM kwani hakuna Chama kama CCM kwa ubora wa sera, utekelezaji wa sera na mipango na jitihada za kuleta maendeleo kwa watanzania.

Japo Tanzania bado ni nchi maskini, alieleza Tanzania ya mwaka 1961 na ya sasa sio sawa. “Lakini cha msingi ni kwamba yale tuliyoyaahidi tutayafanya, tumeyatekeleza” alieleza Mgombea Urais wa CCM, Mheshimiwa Kikwete kwenye mkutano huo wa kampeni.

Kwa upande wa elimu, Mheshimiwa Kikwete alisema serikali ya CCM imekabiliana na changamoto kuu nne zilizojitokeza baada ya upanuzi mkubwa wa elimu nchi nzima.

Changamoto zilizopatiwa ufumbuzi ni ile ya upungufu wa walimu ambapo kila kata kuanzia mwakani itapata walimu wa tano. Changamoto ya nyumba za walimu zitajengwa za kutosha kwa sababu bajeti ya elimu imeongezwa mara tatu zaidi kukabiliana na tatizo hilo. Na tatu ni changamoto ya vitabu vya sekondari ambapo Mheshimiwa Kikwete alieleza mipango imefanywa kushirikiana na Serikali ya Marekani ambapo wamesaidia kuchapisha vitabu vya sayansi vya sekondari. “Kwa hivyo kuanzia mwakani, watoto wetu wa masomo ya sayansi watakuwa na vitabu vya kutosha kwenye shule zote nchi nzima” alieleza Mheshimiwa Kikwete.

Kwa upande wa huduma ya afya, Mheshimiwa Kikwete alieleza mikakati ya serikali ya CCM kupambana na maradhi makubwa kama Malaria, UKIMWI na kansa ya shingo ya kizazi kwa wanawake. Kwa kansa ya shingo ya uzazi, Mheshimiwa Kikwete alieleza kwamba kuanzia mwakani wanawake wote wenye umri wa kupata chanjo hiyo watachanjwa bure ili kukabiliana na gonjwa hilo sugu nchini.

Kwenye mikutano hiyo miwili pia Mheshimiwa Kikwete alieleza kuwa CCM iliahidi kuboresha utoaji huduma ya maji ili kufikia asilimia 60 vijijini na asilimia 90 mijini. Mheshimiwa Kikwete alieleza kwenye wilaya ya Kwimba, utoaji huduma ya maji kwa sasa umefikia asilimia 55.5, na bado jitihada madhubuti zinaendelea kuboresha hali hiyo.

Mheshimiwa Kikwete alieleza kuwa kwa msaada wa marafiki wa Tanzania wa maendeleo, vijiji kumi na mbili vya wilaya ya Kwimbavitapatiwa huduma ya maji kwenye mpango mkubwa wa usambazaji wa maji nchini unaodhaminiwa na benki ya dunia.

Kwa upande wa kilimo, Mheshimiwa Kikwete alielezea mpango mkubwa wa kilimo kwanza ambao unalenga kwenye kuboresha mambo makuu manane ambapo yatamsaidia mkulima kupata faida kwa kilimo chenye tija ikiwemo upatikanaji wa ruzuku na utafutaji masoko kwa ajili ya mazao ya wakulima.

Mhehsimiwa Kikwete alieleza wakazi wa wilaya hii pia kwamba ilani ya CCM kwa mwaka 2010 – 2015 inaelekeza kipaumbele kwenye uvuvi wa samaki na kuendeleza sekta hiyo muhimu kwa maendeleo ya wakulima.

Na kwenye mkutano wa kampeni huko Ngudu, aliyekuwa Mwenyekiti wa wanawake Chadema Wilayani Kwimba Mama Monica Jimotolo, amerudisha kadi ya chama hicho na kuingia rasmi CCM.

Mama Jimotolo alieleza sababu kuu iliyomfanya kuingia CCM ni kuchoshwa kwake na siasa za chuki na uchochezi ambazo zinalenga kuvunja amani na mshikamano wa nchi yetu.

Alieleza hadhara hiyo kuwa baada ya kufanya uamuzi huo, wengine kumi na saba wameongozana naye na kusema chama hicho kimekufa wilayani hapo. Wanachama hao walikaribishwa na Mwenyekiti wa CCM taifa na kupewa kadi za Chama Cha Mapinduzi.

Mheshimiwa Kikwete aliwanadi wagombea udiwani na ubunge wa Chama Cha Mapinduzi. Aliwasihi wananchi wa Kwimba kupanga jozi iliyokamilika ya CCM ili kuleta maendeleo. Alitoa mfano wa kilimo cha punda na ng’ombe kwa kueleza kuwa unapoamua kulima utumie jozi ya punda au ya ng’ombe, lakini huwezi kuchanganya kwa kulima na ng’ombe na punda kwani punda atakapopiga mluzi, ng’ombe atasimama.

Kikwete aiteka Karatu, Maelfu wafurika mkutano wake wa kampeni sasa hivi

2010-10-24T18:12:00.001+03:00

Maelfu ya wananchi wa Jimbo la Karatu na vitongoji vyake wamefurika kwenye mkutano wa kampeni wa Mgombea Urais wa Tanzania kupitia Chama Cha Mapinduzi Mheshimiwa Jakaya Mrisho Kikwete leo jioni hii.

Mkutano huo uliofanyika kwenye uwanja wa michezo Karatu mjini ulifurika wana CCM na wananchi waliokuwa na hamasa kubwa ya kumsikiliza Mheshimiwa Kikwete.

Umati huo kwa ujumla wake ulimueleza Mheshimiwa Kikwete kwamba wananchi wa Karatu wamechoshwa na sera za upinzani ambazo zimeshindwa kuleta maendeleo kwa miaka mingi.

Akiwauliza wananchi hao iwapo wako tayari kuipigia kura CCM na madiwani wake na mbunge, wananchi wao kwa ujumla wao wote walinyanyua mikono na kuonyesha ishara ya kuikubali CCM na kuwa wataipa kura zote.

Mkutano huo uliochangamka na uliokuwa na shamrashamra nyingi, ulihudhuriwa pia na Waziri Mkuu Mstaafu Fredrick Sumai ambaye aliwasalimu wananchi na kuwaomba wachague CCm kwa maendeleo ya kweli.

Mkutano huu ni wa mwisho kwa siku ya leo ambapo Mheshimiwa Kikwete alianzia Kibaya na Matui Mkoani Manyara.

Baada ya Matui, msafara wa Mheshimiwa Kikwete ulielekea Olkesumet na Mang'ola, kabla ya kuingia hapa Karatu mkoani Arusha.

Mkutano wa Kampeni Gairo: Wagombea udiwani na mbunge wamshukuru JK

2010-10-23T13:24:00.000+03:00

Mgombea udiwani wa Kata ya Gairo wilayani hapa Mama Juliana Mwenda leo amemwagia sifa kem kem Mgombea Urais wa Tanzania kupitia Chama Cha Mapinduzi Mheshimiwa Jakaya Mrisho Kikwete kwa jitihada zake binafsi za kuleta maendeleo Gairo.

Mama Mwenda ameyasema hayo wakati akiomba kura kwa niaba ya Chama Cha Mapinduzi kwenye mkutano mkubwa wa kampeni ambao Mheshimiwa Kikwete alitoa hotuba yake ya kampeni.

Mama Mwenda ambaye anatetea kiti hicho cha udiwani alisema anamshukuru sana Mheshimiwa Rais kwa kuwaletea Wilaya mpya ya Gairo kwani kwa kufanya hivyo kunaharakisha kasi ya maendeleo mahali hapo.

Kwenye upande wa elimu, Mama Mwenda alipongeza sera za upanuzi wa elimu ya sekondari zilizotekelezwa na CCM chini ya uongoze wa Mheshimiwa Kikwete. Alisema kwamba ndani ya Kata yake sasa kuna shule za sekondari tatu na mwaka huu wa 2010 zaidi ya watoto mia sita wamefaulu kuendelea na masomo ya sekondari.

Mama Mwenda pia alimpongeza Mheshimiwa Kikwete kwa kuipa kipaumbele afya ya wakina mama wajawazito na watoto ambapo kwa kushirikiana na wafadhili, wana Gairo wameweza kupatiwa wakunga waliopata mafunzo ya viwango. Na sasa wakina mama wengi wanajifungua salama kwa utaalamu wa wakunga hao.

Naye Mgombea Ubunge wa Jimbo hilo Bwana Ahmed Shabibi aliwasihi wananchi wa Gairo wasifanye makosa na wachague CCM iendelee kuleta maendeleo Gairo.

Mkutano wa Kampeni Malinyi: Kamanda wa UVCCM Njayaga Apiga Goti Kuombea CCM kura

2010-10-22T15:21:00.000+03:00

Aliyekuwa mshindi wa pili kwenye kura za maoni za ndani ya Chama Cha Mapinduzi Jimbo la Ulanga Magharibi Ndugu Yasin Njayaga na Kamanda wa UVCCM na mdau mkubwa wa CCM ameomba kura zote kwa CCM kwa staili ya kupiga magoti kwenye mkutano wa kampeni Malinyi.

Aliomba kura hizo wakati wa mkutano mkubwa wa kampeni wa Mwenyekiti wa CCM Taifa na Mgombea Urais kupitia Chama Cha Mapinduzi Mheshimiwa Jakaya Mrisho Kikwete alipokuwa jimboni hapo leo mchana.

Wengine walioshiriki kwenye kinyang'anyiro hicho cha kura za maoni Ulanga Magharibi ni Dkt. Juma Ngasongwa, Eng. Simon Ngonyani na Dkt. Haji Mponda ambaye aliibuka mshindi, walisisitiza umuhimu wa kuunganisha nguvu na kushikamana ili kukipatia Chama Cha Mapinduzi ushindi wa kishindo.

Kwenye hotuba yake ya kampeni hapa Malinyi, naye Mheshimiwa Kikwete alielezea azma ya CCM kutatua tatizo la upatikanaji wa huduma muhimu za maji, umeme na barabara katika eneo hili la Ulanga.

Alisema miradi imeshaanza ya kutandaza mabomba kwa ajili ya usambazaji wa maji kwa msaada wa Benki ya Dunia. Alizungumzia pia daraja la Mto Kilombero ambalo ujenzi wake utaanza hivi karibuni ambao utaruhusu pia barabara ya lami kujengwa.

Mwishoni Mhemiwa Kikwete alichukua nafasi ya mkutano huo kuwanadi wagombea udiwani wa kata zote za Ulanga, na mgombea Musa alizungumza kwa uchache kwa niaba ya wagombea wengine wote. Na baadaye mgombea ubunge nae aliwasihi wana Ulanga kuchagua CCM kwa mafiga matatu.

Mkutano wa Kampeni Mlimba Jimbo la Kilombero:

2010-10-22T13:48:00.000+03:00

Msafara wa Mgombea Urais wa Tanzania kupitia Chama cha Mapinduzi Mheshimiwa Jakaya Mrisho Kikwete leo umeingia mkoani Morogoro wilaya na Jimbo la Kilombero.

Mheshimiwa Kikwete alianza Mkutano wake wa kampeni kwa kuelezea wananchi wa Kilombero kuwa hakuna Chama imara kama CCM na vyama vingine vyote vya CCM vina haki ya kuiga CCM kwasababu bado ni vyama vichanga na havina budi kuiga kutoka CCM.

"Lakini ndugu zangu kwa nini muhangaike na photocopy na wakati original ipo?" Aliuliza wananchi waliofurika kwa maelfu huku akishangiliwa kwa makofi na vigelegele.

Alisema kipindi hiki cha uchaguzi watanzania popote pale walipo wasikubali kuhubiriwa siasa za ubaguzi wa kidini, ukabila wala umwagaji damu kwa ajili ya tamaa za uongozi wa wanasiasa wachache ambao alisema "hawa siasa imewashinda"

akielezea utekelezaji wa ilani ya Chama Cha Mapinduzi ya mwaka 2005-2010, alisema anatambua matatizo yanayowakabili wananchi wa Mlimba, na hivyo aliomba Mwenyekiti wa Tarafa hii ya Mlimba kueleza kwa kifupi kero za eneo hili.

Maji ni mojawapo ya tatizo kubwa la Mlimba ikifuatiwa na tatizo la barabara haswa itokayo Kilombero hadi Mlimba. Mengine yaliyoelezewa na Mheshimiwa Kikwete ni la elimu ambapo kuna upungufu mkubwa wa walimu na maabara ya wanafunzi wa sayansi.

Mheshimiwa Kikwete alifafanua malengo ya CCM ya utekelezaji wa ilani ya uchaguzi kwa mwaka 2010-2015 ikiwa ni pamoja na kutatua tatizo la maji kwa vijiji kumi vya wilaya ya kilombero ikiwemo Mlimba A na Mlimba B. Alisema mradi huu umeshaanza kutekelezwa na kwa sasa mkandarasi anaanza kazi ya kutandaza mabomba na kuweka miundombinu tayari kwa kazi kuanza.

Akielezea utatuzi wa tatizo la kituo cha afya ambapo aliwashauri wananchi wa Mlimba kufanya maamuzi kupitia halmashauri yao, ili kituo chao cha afya kipandishwe kuwa hospitali. Yeye aliahidi kuwasaidia kutafuta fedha pindi maamuzi hayo yakishapitishwa na wananchi wenyewe.

Mwishoni Mheshimiwa Kikwete aliwanadi wagombea udiwani na Mgombea Ubunge wa Jimbo la Kilombero Abduli Mteketa ambao wote waliomba wananchi wa Mlimba kupiga kura kwa mafiga matatu ili CCM ishinde kwa kishindo.

Mkutano wa Kampeni Newala katika picha

2010-10-21T15:20:00.000+03:00

Mgombea Urais kupitia CCM Mheshimiwa Jakaya Kikwete akiwasalimia wananchi na wacheza ngoma wa wilaya ya Newala wakati wa mkutano wa kampeni alioufanya mjini hapo tarehe 21.10.2010.

Mgombea Urais kupitia CCM Mheshimiwa Jakaya Kikwete akimpa mkono mtoto mmoja ambaye jina lake halikupatikana mara moja wakati alipowasiri kwenye mkutano wa peni huko Newala tarehe 21.10.2010.

Rais Jakaya Kikwete ambaye pia ni Mgombea Urais kupitia Chama Cha Mapinduzi akiwasalimia wananchi wa Newala waliokuwa na shauku kubwa ya kumuona wakati alipofika mjini hapo kwa ajili ya mkutano wa kampeni tarehe 21.10.2010.

Rais Jakaya Mrisho Kikwete akiwasalimia MAELFU YA Wananchi wa Wilaya ya Newala muda mfupi kabla ya kuhutubia mkutano mkubwa wa Kampeni mjini Newala leo mchana

Mkutano wa Kampeni Nyangao, Mchinga, Lindi Mjini katika picha

2010-10-20T18:55:00.001+03:00

Mgombea urais wa Tanzania kupitia CCM, Jakaya Kikwete, akimnadi Waziri wa Mambo ya Nje na Ushirikiano wa Kimataifa na mgombea ubunge jimbo la Mtama mkoani Lindi, Benard Membe, kwenye mkutano wa kampeni uliofanyika jana jimboni humo.

Wafuasi wa CCM, wakimshangilia mgombea urais wa tanzania kupitia CCM, Jakaya Kikwete, wakati akiwasili kuhutubia mkutano wa kampeni jana kwenye jimbo la Mtama mkoani Lindi jana.

Mgombea urais wa Tanzania kupitia CCM, Jakaya Kikwete, akipungia wananchi wakati akiwasili kuhutubia mkutano wa kampeni jimbo la Mtama mkoani Lindi leo

Mwenyekiti wa Chama Cha Mapinduzi Mheshimiwa Jakaya Kikwete akihutubia mkutano wa kampeni katika jimbo la Mtama lililoko katika wilaya ya Lindi tarehe 20.10.2010.

Mwenyekiti wa CCM, Mkoa wa Lindi, Mzee Mtopa, akitoa hotuba ya ukaribisho kwenye mkutano wa kampeni uliohutubiwa na mgombea urais wa Tanzania kupitia CCM, Jakaya Kikwete jana kwenye jimbo la Mtama.

Mgombea Urais kupitia Chama Cha Mapinduzi Mheshimiwa Jakaya Kikwete akisalimiana na wananchi mbalimbali wenye shauku ya kukutana naye wakati alipowasiri kwenye mkutano wa kampeni katika jimbo la Mtama katika mji wa Nyangao huko Lindi tarehe 20.10.2010.

Mgombea Urais wa CCM Mheshimiwa Jakaya Kikwete akiwasalimia chipukizi wa jmbo la Mtama na baadaye akiwapungia na kucheza muziki pamoja na mamia ya wananchi wa kijiji cha Nyangao, wilayani Lindi tarehe 20.10.2010.

Mara baada ya kumaliza kuhutubia mkutano wa kampeni mjini Nachingwea Mgombea Urais wa Chama Cha Mapinduzi Mheshimiwa Jakaya Kikwete akishiriki kucheza muziki wa kizazi kipya na wananchi wa Nachingwea.

Wananchi wakimsikiliza mgombea urais wa Tanzania kupitia CCM, Jakaya Kikwete, wakati akihutubia mkutano wa kampeni huko Mtama mkoani Lindi jana.

Wananchi wakimsikiliza mgo bea urais wa Tanzania kupitia CCM, Jakaya Kikwete, wakati akihutubia mkutano wa kampeni huko Mtama mkoani Lindi leo.

Mkutano wa Kampeni Njinjo, Liwale, Ruangwa, Nachingwea Lindi katika Picha

2010-10-19T19:25:00.001+03:00

Mgombea urais wa Tanzania kupitia CCM, Jakaya Kikwete, akimnadi mgombea ubunge jimbo la Nachingwea, mkoani Lindi, Mathias Chikawe kwenye mkutano wa kampeni uliofanyika uwanja wa Sokoine mjini Nachingwea Oktoba 19, 2010.

Mgombea urais wa Tanzania kupitia CCM, Jakaya Kikwete, akizungumza na mkazi wa Liwale, Jivunie Bakili Mbunda mara baada ya kuhutubia mkutano wa kampeni huko Liwale mkoani Lindi jana.

Mgombea urais wa Tanzania kupitia CCM, Jakaya Kikwete, akimnadi mgombea ubunge jimbo la Liwale mkoani Lindi, Mama Mitambo kwenye mkutano wa kampeni uliofanyika jimboninhumo leo.

Mgombea urais wa Tanzania kupitia CCM, akisindikizwa na mwenyekiti wa CCM, mkoani Lindi mzee Mtopa, akipungia wananchi mara baada ya kuwasili kwa helikopta wilayani Liwale mkoani Lindi tayari kuhutubia mkutano wa kampeni Oktoba 19, 2010

Mgombea urais wa Tanzania kupitia CCM, Jakaya Kikwete, akiwaslili kwenye mkutano wa kampeni, huko Liwale mkoani Lindi, huku akisalimiana na wananchi waliofika kumsikiliza leo.

Mfuasi wa CCM, akishangilia hotuba ya mgombea urais wa tanzania Jakaya Kikwete, wakati alipohutubia mkutano wa kampeni huko Liwale mkoani Lindi Oktoba 19, 2010

CCM Oyyyee

Mgombea urais wa Tanzania kupitia CCM, Jakaya Kikwete, akihutubia maelfu ya wakazi wa mjini Nachingwea mkoani Lindi, kwenye mkutano wa kampeni uliofanyika uwanja wa Sokoine mjini humo Oktoba 19, 2010.

Mgombea Urais kupitia Chama Cha Mapinduzi Mheshimiwa Jakaya Kikwete akiwasalimia wananchi wa mji wa Ruangwa ulioko mkoani Lindi alikoenda kufanya mkutano wa kampeni tarehe 19.10.2010.

Rais Jakaya Kikwete akimsalimia Mwenyekiti wa vijana wa shirika la Serve the Children tawi la Ruangwa Fauzia Omar Ching'ong'ole ambaye ni mlemavu wa ngozi wakati wa mkutano wa kampeni uliofanyika mjini Ruangwa tarehe 19.10.2010.

Mgombea Urais kupitia Chama Cha Mapinduzi Mheshimiwa Jakaya Kikwete akiwasalimia wananchi wa mji wa Ruangwa ulioko mkoani Lindi alikoenda kufanya mkutano wa kampeni tarehe 19.10.2010.

Mheshimiwa Jakaya Mrisho Kikwete ambaye ni Mgombea Urais kupia CCM akihutubia wananchi wa mji wa Ruangwa, mkoani Lindi kwenye mkutano wa kampeni tarehe 19.10.2010.

Mkutano wa Kampeni Kimanzichana, Kibiti, Utete (Pwani), Kilwa(Lindi) katika Picha

2010-10-18T19:00:00.001+03:00

Rais Dr.Jakaya Mrisho Kikwete akimnadi mgombea ubunge jimbo la Mkuranga kwa tiketi ya CCM Adam Kighoma Malima wakati wa Mkutano wa kampeni uliofanyika huko Kimanzichana, wilayani Mkuranga leo mchana

Mgombea Urais kupitia CCM Mheshimiwa Jakaya Kikwete akiwasalimia wananchi wenye shauku wa kijiji cha Kimanzechana kilichoko wilayani Mkuranga huko Pwani tarehe 18.10.2010.

Mgombea wa Urais kupitia Chama Cha Mapinduzi Mheshimiwa Jakaya Kikwete akiwahutubia mamia ya wananchi wa Kimanzechana wakati alipohutubia mkutano wa kampeni kijijini hapo tarehe 18.10.2010.

Mgombea urais kwa tiketi ya CCM akiwa ambeba mtoto wa miaka miwili Asia Ndomondo muda mfupi baada ya kuwasili katika mji wa Kibiti na kuhutubia katika mkutano wa kampeni mjini hapa leo.

Mgombea uris wa Tanzania kupitia CCM, Jakaya Kikwete, akisalimiana na wananchi wakati akiwasili kuhutubia mkutano wa kampeni huko Utete-Rufiji mkoani Pwani leo.

Wafuasi wa CCM, wakiimba na kupeperusha khanga, wakati wakimpokea mgombea urais wa Tanzania kupitia CCM, Jakaya Kikwete wakati akiwasili kwenye mkutano wa kampeni huko Utete Rufiji mkoani Pwani leo.

Mkutano wa Kampeni Kawe: Tumefanikisha malengo kwa sababu tulithubutu kuanza - JK

2010-10-17T17:30:00.048+03:00

Mheshimiwa Kikwete akielezea mpango wa serikali ya CCM wa kujenga barabara za juu maarufu kama "Fly-overs" jijini Dar es salaam kupunguza msongamano

Mheshimiwa Kikwete akimnadi Mama Kizigha, mgombea ubunge wa CCM Jimbo la kawe wakati wa mkutano mkubwa jimboni hapo leo jioni.

Umati wa wana CCM na wananchi wa Jimbo la Kawe waliokusanyika viwanja vya Tanganyika Packers leo jioni kuhudhuria Mkutano wa kampeni wa Mheshimiwa Kikwete

Msanii wa Bongo Fleva Diamond akitumbuiza leo Kawe kwenye mkutano wa kampeni wa Mgombea Urais wa Tanzania kupitia tiketi ya CCM Mheshimiwa Jakaya Mrisho Kikwete.

Mgombea Urais wa Tanzania kupitia Chama Cha Mapinduzi Mheshimiwa Jakaya Mrisho Kikwete amesema leo Jimboni Kawe CCM imefanikisha malengo yake kwa kuwa na uthubutu wa kutenda mambo ambayo wengi walidhani hayatekelezeki.

Mheshimiwa Kikwete aliyasema hayo alipokuwa akihutubia mkutano wa kampeni kwenye viwanja vya Tanganyika Packers Kawe jijini Dar es salaam ambako aliwaambia wananchi mafanikio ya CCM sio ya kubezwa kwani yanaonekana.

Akizungumzia mafanikio ya elimu, Mheshimiwa Kikwete alielezea mafanikio ya sekondari za kata ambazo mwaka 2005 alipotoa ahadi hiyo, wengi walibeza kwa kusema haitekelezeki. Matokeo ya ahadi hiyo ni kwamba sasa hivi Mkoa wa Dar es salaam unapeleka zaidi ya wanafunzi laki mbili shule za sekondari kulinganisha na elfu sitini miaka ya nyuma.

"Hii ni kwa sababu tulithubutu kuweka ahadi hiyo na tumeitekeleza. Nilipita Tanga kule Lushoto nikaelezwa kuna kata ina sekondari saba, na watoto wanatosheleza. Haya ni mafanikio" alisema Mheshimiwa Kikwete.

Kwenye upande wa afya, Mheshimiwa Kikwete alisema CCM imejipanga ili kila jimbo la uchaguzi mkoani Dar es salaam liwe na hospitali yake ambayo ndiyo itakuwa hospitali ya Wilaya. Hospitali za Mwananyamala na Ilala zitakuwa za rufaa na Muhimbili itakuwa kwa ajili ya magonjwa makubwa ambayo kwa sasa wagonjwa hulazimika kwenda nje.

Akizungumzia janga la UKIMWI, Mheshimiwa Kikwete alisema wananchi wa Dar es salaam wachukue tahadhari na wakatae kupata UKIMWI. Maambukizi sasa kwa mkoa wa Dar es salaam ni asilimia 9.3 juu ya wastani wa taifa ambao ni asilimia 5.6. Mheshimiwa Kikwete aliongeza kuwa wa wanaopewa dawa za kurefusha maisha sasa wanafikia 61,435. Aliwataka wananchi wa Dar es salaam wasikilizi mafundisho ya dini na wachague kutokupata UKIMWI kwani Tanzania bila UKIMWI inawezekana.

Akifafanua mpango wa CCM wa kuboresha miundombinu jijini Dar es salaam, Mheshimiwa Kikwete alielezea mpango mkubwa wa kujenga barabara za juu "fly-overs" ili kukabiliana na tatizo la msongamano wa magari haswa kwenye makutano ya barabara kubwa.

Mheshimiwa Kikwete leo amefanya mikutano yake ya kampeni mjini Dar es salaam majimbo ya kinondoni, ubungo na kawe, kabla ya kuendelea na kampeni hizo mkoani Pwani kesho.

Mkutano wa Kampeni Kawe: Mama Fatma Magimbi arejea CCM

2010-10-17T17:22:00.003+03:00

Mheshimiwa Kikwete akimkaribisha Mama Maghimbi CCM kwenye Mkutano wa Kampeni Kawe leo jioni

Mheshimiwa Kikwete akimkaribisha Juma Othman Juma CCM kwenye mkutano wa kampeni kawe mjini Dar es salaam leo

Mama Fatuma Maghimbi na Juma Othman Juma wakiwa na kofia za CCM baada ya kutangaza rasmi kuhama Chama Cha Wananchi CUF na kuingia Chama Cha Mapinduzi. Walikaribishwa na Mgombea Urais kupitia CCM Mheshimiwa Jakaya Mrisho Kikwete kwenye mkutano wa kampeni Kawe.

Mgombea Urais wa Tanzania kupitia Chama Cha Mapinduzi Mheshimiwa Jakaya Mrisho Kikwete akimpokea Mama Fatma Magimbi, mkongwe wa siasa za visiwani Zanzibar aliyerudi Chama Cha Mapinduzi kutoka Chama Cha Wananchi CUF.
Picha na Campaign Communication Team

- Kaongozana na Juma Othman Juma
- Waiaga CUF na kuchukua kadi za CCM
- Waahidi wengi zaidi wanakuja nyuma yao visiwani humo

Wakongwe wawili wa siasa za vyama vingi visiwani Zanzibar Mheshimiwa Fatma Maghimbi na Juma Othman Juma wamerudisha kadi zao za CUF na kuchukua za CCM leo jimboni Kawe jijini Dar es salaam na kuahidi wenzao wengi watafuata nyayo zao kutoka CUF.

Akielezea sababu zake za kurudi CCM, Juma Othman Juma amesema ameguswa kwa kazi kubwa aliyofanya Mheshimiwa Kikwete Tanzania Bara na Visiwani hususan aliporejesha amani na utulivu visiwani Unguja na Pemba kipindi cha uchaguzi mkuu wa mwaka huu.

Alisema tangu historia ya vyama vingi ianze Tanzania, kila wakati wa uchaguzi wananchi wengi wa visiwa vya Unguja na Pemba hulazimika kukimbia visiwani humo kwa kuhofia hali ya kutokuwa na usalama katika kipindi hicho.

"Lakini sasa napenda kumshukuru sana Mheshimiwa Kikwete kwa kurudisha heshima ya nchi yetu duniani kwani mwaka huu wa kampeni, hakuna hata mmoja aliyehama visiwani humo kukimbia uchaguzi" alimaliza Juma Othman akishangiliwa na umati mkubwa wa wana CCM waliojitokeza kwenye mkutano huo wa kampeni.

Mama Fatma Maghimbi amewahi kuwa waziri kivuli wa Katiba na Sheria ndani ya Bunge la Jamhuri ya Muungano wa Tanzania akiwa kama mbunge wa Chama Cha Wananchi CUF. Naye Juma Othman Juma amewahi kuwa muanzilishi wa Chama Cha Siasa visiwani kabla ya kujiunga na Chama cha Wananchi CUF.

Mkutano wa Kampeni Manzese: JK aanza kusaka kura Dar

2010-10-17T17:05:00.001+03:00

Mgombea urais wa Tanzania kupitia Chama Cha Mapinduzi Mheshimiwa Jakaya Mrisho Kikwete akihutubia wakazi wa Manzese Jimbo la Ubungo kwenye mkutano wa kampeni leo mchana.

Mshabiki wa Chama Cha Mapinduzi akionyesha kwa vitendo chaguo lake ni Kikwete kwenye mkutano wa kampeni Manzese mkoani Dar es salaam leo mchana.

Sehemu ya umati wa wananchi waliofurika kuhudhuria mkutano wa kampeni wa Mheshimiwa Kikwete Manzese leo.

Na Joseph Mwendapole

MGOMBEA urais kwa tiketi ya CCM, Rais Jakaya Kikwete, ameahidi kumaliza msongamano wa magari jijini Dar es Salaam kwa kujenga barabara za juu katika makutano na kuzijenga kwa kiwango cha lami barabara za pembezoni.

Vile vile,amesema serikali inaweka mikakati madhubuti kuhakikisha inatatua tatizo la maji kwa kiasi kikubwa jijini Dar es Salaam kwa kuongeza vyanzo vingi vya uzalishaji maji.

Aliyasema hayo jana katika mikutano yake ya kampeni Manzese na Kawe jijini Dar es Salaam katika mfululizo wa kampeni zake kuelekea Ikulu kwa awamu ya pili.

Alisema barabara za juu zitajengwa katika makutano ya Ubungo, Tazara, Magomeni na makutano ya Chang'ombe lakini vile vile alisema msongamano huo wa magari ni ishara kuwa maisha ya watanzania walio wengi yanaboreka.

Alisema zamani yalikuwa yakionekana magari ya serikali pekee barabarani lakini siku hizi magari mengi yanayoonekana ni ya watu binafsi na kwamba pamoja na kero ya msongamano hiyo ni dalili nzuri kuwa maisha ya watanzania yamepanda.

Aidha, Kikweta alisema barabara kuanzia Moroko hadi Tegeta zitawekwa njia mbili ili kuepusha msongamano ambao hata yeye wakati mwingine unampotezea muda.

"Huwa nikitoka nyumbani Bagamoyo hadi Tegeta pale nachukua nususaa lakini kutoka pale Tegeta hadi Posta inachukua saa nzima kwasababu barabara ni nyembamba sana, zile barabara za pembezoni nazo zitawekwa lami ili watu wasitumie njia moja kwenda mjini," alisema.

Alisema baadhi ya barabara zinazowekwa lami kwa sasa ni pamoja na ile ya Tabata dampo kwenda Kigogo na Ubungo Maziwa kupitia Kigogo na Jangwani kuelekea maeneo ya Kariakoo.

Kuhusu tatizo la maji,Kikwete alisema ndani ya miakamiwili serikali itakuwa imejitahidi kupunguza tatizo hilo kwa kiasi kikubwa kutokana na mipango mikubwa iliyowekwa kwa ajili ya kuongeza vyanzo vya maji.

Alisema mahitaji ya maji jijini Dar esSalaam kwa siku ni lita milioni 50 lakini yanayopatikana kwa sasa ni lita milioni 270 na kwamba jitihada zinachukuliwa kuongeza uzalishaji wa maji Ruvu juu itoke kuzalisha lita milioni 18 kwa siku hadi kufikia lita milioni 60.

Alisema mipango pia inafanywa kuhakikisha mtambo wa Ruvu chini unazalisha lita milioni 90 kwa siku badala ya milioni 40 ambazo zinazaliwashwa kwa sasa.

Alisema serikali inaendelea kutafuta vyanzo vingine vya maji na tayari wameanza kimbiji ambako lita 260 zitakuwa zikizalishwa kwa nguvu za serikali na kushirikiana na serikali ya Norway.

Mgombea huyo alisema serikali pia inafanya mipango kukarabati mifumo ya maji kwani imechakaa na imekuwa ikivujisha maji mengi.

Alisema mifuko ya fedha za mikopo nayo itaendelea kuimarishwa ili wananchi wengi waweze kupata mikopo ya masharti nafuu na kujikwamua kiuchumi kwa kufanya biashara.

Alisema serikali imepanga kujenga 'machinga complex' mbili kila Wilaya zitakazokuwa na uwezo kuchukua wafanyabiashara zaidi ya 40,000 na kwamba kitajengwa kituo kikubwa cha biashara kwenye kiwanja cha Posta ilipo TCRA na tayari bilioni 100 zimeshapatikana kutoka serikali ya watu wa China.

Kuhusu Ukimwi, Kikwete alisema ni mtihani mkubwa jijini Dar esSalaam kwani watu 61,433 wanatumia dawa za kurefusha maisha ARVs na maambukizi katika mkoa huo ni makubwa.

"Ndugu zangu msifanye mzaha na Ukimwi unaua hapa Dar esSalaam maambukizi ni asilimia 9.3 yaani kila watu 100 tisa wana Ukimwi, mzingatie mafundisho ya viongozi wa dini kuacha zinaa na kuwa waaminifu katika ndoa na yaiwashinda kuwasikiliza viongozi wa dini tusikilizeni sisi wahubiri wa dunia tunaowataka mtumie kinga, kinga mkitumia hampati maambukizi na imethibitishwa na wataalamu," alisisitiza Kikwete.

Mkutano wa Kampeni Manzese

2010-10-17T13:20:00.001+03:00

Mwenyekiti wa CCM na Mgombea Urais kupitia chama hicho Mheshimiwa Jakaya Kikwete akimnadi mgombea ubunge wa jimbo la Ubungo nndugu Hawa Ng'umbi kwa wananchi wa Manzese wakati wa mkutano wa kampeni tarehe 17.10.2010.

Mgombea Urais kupitia Chama Cha Mapinduzi Mheshimiwa Jakaya Kikwete akinadi sera zake kwa wananchi wa Manzese wakatiwa mkutano wa kampeni tarehe 17.10.2010.

Umati mkubwa wa wananchi wa Manzese wakisikiliza hotuba ya kampeni kutoka kwa mgombea Urais kupitia Chama Cha Mapinduzi Mheshimiwa Jakaya Kikwete wakati akihutubia mkutano wa kampeni huko Manzese tarehe17.10.2010

Mgombea Urais wa Tanzania kupitia Chama Cha Mapinduzi Mheshimiwa Jakaya Mrisho Kikwete ameomba kura leo Manzese Jimbo la Ubungo Dar es salaam akisema CCM ni Chama kinachotimiza ahadi zake.

Akizungumzia ahadi zilizotekelezwa kwenye ilani ya CCM 2005-2010 kwenye uboreshaji wa huduma za jamii Mheshimiwa Kikwete alisema Dar es salaam ya leo si ile ya miaka 20 iliyopita.

Kwa upande wa elimu ya sekondari, miaka mitano iliyopita, Dar es salaam ilikuwa na shule za sekondari chini ya 25 na sasa kuna shule za sekondari zaidi ya 100. "Haya ni mafanikio makubwa mno kwenye sekta ya elimu ambayo yamekuja na changamoto zake za maendeleo tutazikabili" Alisema Mheshimiwa Kikwete.

Akizungumzia huduma ya afya na jitihada za CCM na serikali kupambana na magonjwa makubwa, Mheshimiwa Kikwete alizungumzia gonjwa la Ukimwi kwa kirefu. Alisema wananchi 61,433 mkoani Dar es salaam wanahudumiwa kwa kupewa dawa za kurefusha maisha Dar es salaam ikiwa ni mkoa wa tatu kwa maambukizi ya UKIMWI asilimia 9, ikiwa na maana kwa kila watu 100, tisa wameathirika na maradhi ya UKIMWI.

Kwenye mpango wa kuendeleza wananchi kiuchumi, Mhehshimiwa Kikwete alisema itajengwa machinga complex mbili, ambapo wafanyabiashara wadogowadogo zaidi ya elfu arobaini watapata nafasi ya kufanya bishara zao.

Pia alisema jengo kubwa la viwanda litajengwa ambapo wanyabiashara hao watapata nafasi ya kuzalisha bidhaa zao wenyewe na kuziweka sokoni.

"Hawa ni watu wengi sana ndugu zangu, tuzingatie mafundisho ya dini na tukatae kupata UKIMWI" Alimalizia Mheshimiwa Kikwete kwenye afya.

Mwisho alimnadi Mgombea udiwani wa Jimbo la Ubungo, Mama Hawa Ngumbi ambaye alisema wana Manzese wawape CCM ushindi wa utatu, kama matairi ya bajaji ambapo kama moja likitoka bajaji haitembei.

Kampeni za Mheshimiwa Kikwete Leo Dar es salaam

2010-10-17T09:36:00.003+03:00

Mgombea urais kwa tiketi ya Chama Cha Mapinduzi Dr. Jakaya Mrisho Kikwete akipandisha bendera ya CCM muda mfupi baada ya kufungua shina la wakereketwa la Rashid Mfaume Kawawa eneo la Magomeni Mzimuni jijini Dar es Salaam leo.

Mgombea urais kwa tiketi ya Chama Cha Mapinduzi Dr. Jakaya Mrisho Kikwete akipandisha bendera ya CCM muda mfupi baada ya kufungua shina la wakereketwa la Rashid Mfaume Kawawa eneo la Magomeni Mzimuni jijini Dar es Salaam leo.

Mgombea urais kwa tiketi ya CCm Dr.Jakaya Mrisho Kikwete akifunua kitambaa kuashiria kufunguliwa rasmi kwa shina la wakereketwa la Rashid Mfaume Kawawa Magomeni Mzimuni jijini Dar es Salaam jana.

Mgombea urais kupitia CCM Mheshimiwa Jakaya Mrisho Kikwete akisalimiana na Mheshimiwa A. Kinana Mwenyekiti wa kampeni za CCM Taifa na mlezi wa CCM; mara alipowasili Magomeni kufungua shina la CCM.

Mgombea urais kwa tiketi ya CCM Dr.Jakaya Mrisho Kikwete akiwahutubia maelfi ya wakazi wa eneo la Manzese wakati wa mkutano wa kampeni jana mchana.

Baadhi ya wakazi wa eneo la Manzese jijini Dar es Salaam wakiwa katika mkutano wa Kampeni uliohutubiwa na Mgombea urais kwa tiketi ya CCM Dr.Jakaya Mrisho Kikwete leo mchana

Vijana machachari wa Tip Top Connection wakifanya vitu vyao Kawe leo

Wazee wa kazi wa Sikinde Ngoma ya ukae wakisubiri zamu yao kupanda jukwaani kutumbuiza kwenye mkutano wa kampeni wa Mgombea Urais wa Tanzania (CCM) Mheshimiwa Kikwete leo jioni.

Kampeni za Mgombea Urais wa Tanzania kupitia Chama Cha Mapinduzi, Mheshimiwa Jakaya Mrisho Kikwete leo zinaanzia Magomeni Kata ya Mzimuni kuzindua Shina la Wakereketwa la Mzee Rashid Mfaume Kawawa.

Kutoka Magomeni msafara wa Mheshimiwa Kikwete utaelekea Manzese kwenye uwanja wa Bakhresa kwa mkutano mkubwa wa kampeni.

Mheshimiwa Kikwete pia atafungua shina la Wakereketwa la Waendesha pikipiki wa Mbezi Tanki Bovu na baada ya hapo kufanya mkutano wa kampeni Kawe viwanja vya Tanganyika Packers Dar es salaam.

Kikwete aiteka Bagamoyo, Mlandizi na Chalinze

2010-10-16T17:52:00.002+03:00

Mgombea urais wa Chama Cha Mapinduzi CCM Dr.Jakaya Kikwete akihutubia maelfu ya wananchi katika mji mdogo wa Mlandizi, wilayani Kibaha leo mchana.

Aahidi kumwaga mabilioni mengine ya mikopo.

Ataanza kusaka kura kesho Dar es Salaam.

Na Joseph Mwendapole, Bagamoyo.

MGOMBEA urais kwa tiketi ya CCM, Rais Jakaya Kikwete, jana aliuteka kwa muda mji wa Bagamoyo kutokana na umati mkubwa wa watu, wengine wakiahirisha shughuli zao kwa muda kwenda kumsilikiliza katika mfululizo wa kampeni zake za kuwania kurejea Ikulu kwa awamu ya pili.

Kikwete leo alifanya mikutano mitatu akianzia Mlandizi, Bagamoyo na mwisho alimalizia jimbo la Chalinze ambako nako alipokelewa na umati mkubwa wa watu waliojitokeza kumpokea wakiwa na mabango mbalimbali ya kupongeza kutokana na juhudi zake za kutekeleza vyema Ilani ya Uchaguzi ya ya CCM ya mwaka 2005.

Baadhi ya mabango yalisomeka hongera Kikwete kwa kudumisha amani, hongera Kikwete kwa kusimamia Ilani ya CCM, hongera Jakaya tuna imani na wewe, Kikwete karibu nyumbani na mengine yakisema kabidhi nchi kwenye mikono salama CCM, chagua Kikwete kwa maisha bora.

Alipoingia Mlandizi asubuhi jana, Kikwete alipokelewa na umati mkubwa wa watu wakiwemo waendesha pikipiki maarufu kama bodaboda waliokuwa wakipeperusha bendera za CCM hadi uwanja wa mkutano katika jimbo hilo la Kibaha vijijini, ambako alifanya mkutano kabla ya kuelekea wilaya ya Bagamoyo.

Akiwa Mlandizi, Kikwete alisema serikali itaendelea kuimarisha mfuko wa uwezeshaji 'mabilioni ya JK' katika miaka mingine ijayo ili wananchi wengi zaidi waweze kupata mikopo hiyo nafuu na kujikwamua katika lindi la umaskini.

Alisema mifuko mingine ya kukopesha wananchi itaendelea kuimarishwa katika miaka mingine mitano ili iweze kufanya kazi ya kukopesha wananchi waweze kufanya biashara mbalimbali na kijikwamua kiuchumi kama walivyonufaika na mfuko wa uwezeshaji 'mabilioni ya JK'.

"Ndugu zangu mwaka 2005 tuliahidi mengi na tumetekeleza, tumefanya mengi mazuri na ahadi yangu kwenu ni kwamba mkituchagua tutazidi kufanya mengi mazuri, sisi ni waaminifu tukiahidi tunatekeleza, ombi lenu la kutaka kituo cha afya cha mlandizi kiwe hospitali ya Wilaya ni stahili yenu na tutafanya kila liwezekanalo kuhakikisha inawezekana," alisisitiza Kikwete.

Alisema wataalamu kutoka Israel watakuja nchini kwa ajili ya kuwafundisha watanzania kilimo cha mboga mboga hasa zao la nyanya ili walime kibiashara kwani soko la nyanya hivi sasa ni la uhakika.

Alisema kuwasili kwa wataalamu hao kutawasaidia wakulima wa nyanya hasa wa bonde la mto Ruvu kulima kwa nguvu zaidi na kwa utaalamu mkubwa na itakuwa rahisi kwao kuondokana na umaskini kwani nyanya zinahitajika kwa wingi zaidi maeneo mbalimbali duniani.

Kuhusu huduma ya maji na umeme, Kikwete aliwahakikisha wananchi hao kuwa serikali inafanya kila liwezekanalo kuhakikisha huduma hizo zinawafikia wananchi kwa urahisi zaidi na kwa upande wa maji alisema Benki ya Dunia (WB) inashirkiana na serikali kusambaza maji katika vijiji 10 kwa kila Wilaya nchini.

Kwa upande wa kilimo, alisema serikali kwa miaka mitano ijayo itaendelea kutoa ruzuku ya pembejeo na kwamba wakulima wa korosho watakuwa wakiuziwa surphur kwa bei nafuu ili watu wasio na uwezo wamudu kuinunua.

Aizungumzia mifugo, Kikwete alisema serikali imeandaa mpango mkubwa wa kuendeleza mifugo ambapo wafugaji watalazimika kuwa na malisho ya uhakika kwa mifugo yao na kuachana na ufugaji wa kizamani wa kuhama hama ambao umekuwa ukisababisha migogoro.

"Huu ufugaji wa kuhama hama lazima ufikie kikomo, tabia hii imekuwa chanzo kikubwa cha migogoro maeneo mbalimbali nchini tunataka kila anayefuga awe na chakula cha mifugo yake ili kuepusha migogoro baina ya wafugaji na wakulima, kama unafuga hakikisha una uwezo wa kulisha mifugo yako," alisisitiza Rais Kikwete.

Akihutubia katika uwanja wa Mwanakalenge mjini Bagamoyo, ambapo pia alipata mapokezi makubwa kama ilivyokuwa Mlandizi, Kikwete aliwaahidi wananchi kuwa wakiichagua CCM ataendelea kudumisha amani na utulivu na kusimamia utoaji wa huduma muhimu kwa jamii kama umeme, maji, barabara, elimu na afya.

Kikwete aliponda kejeli za wapinzani wanaopita wakiwarubuni wananchi kuwa serikali haijafanya kitu tangu nchi ipate Uhuru mwaka 1961 na aliwataka wananchi hao wawahoji watu hao maendeleo yanayoonekana sasa yameletwa na watu gani kama sio serikali ya CCM.

"Ndugu zangu haya yote mazuri mnayoona ni matunda ya uongozi thabiti na makini wa CCM na ukiona vyaelea vimeundwa na muundaji si mwingine ni CCM, hao wakipita na kuwadanganya kuwa hakuna maendeleo yaliyopatikana msiwaache hivi hivi waulizeni hizo huduma za jamii wanazotumia kama barabara, maji, shule, vyuo vikuu vimeletwa nanani, maana wasiwadanganye nanyinyi mkakubali tu," alisema Kikwete na kushangiliwa na wananchi hao.

Alisema utafika wakati Bagamoyo itasimama yenyewe kama mji wa viwanda na Bandari tofauti na ilivyo sasa ambapo mji huo uko chini ya kivuli cha Dar es Salaam.

Kikwete alisema mji wa Dar es Salaam haukutenga maeneo ya viwanda na sasa umeshajaa hivyo ni fursa nzuri kwa watu wa Bagamoyo kutenga maeneo na kuyapima kwa ajili ya uwekezaji.

"Hi ni fursa nzuri kwenu yapimeni maeneo hasa yale ya kandokando ya barabara na msipopima shauri yenu, yale maeneo yatakuwa na thamani kubwa sana kwenu mkiyapima lakini naamini hapa mnaviongozi thabiti wa kufanya kazi hiyo," alisema Kikwete.

Baada ya kuzunguka muda mrefu akisaka kura katika mikoa yote ya Tanzania Bara na visiwani, mgombea huyo wa CCM leo anatarajiwa kuanza kampeni katika majimbo ya Dar es Dalaam.

Mkutano wa Kampeni Kibaha Mjini: JK Asema Trekta ndogo ni kwa wakulima wadogo

2010-10-15T15:13:00.001+03:00

Shabiki wa CCM akishangilia hotuba ya Mwenyekiti wa CCM Taifa na Mgombea Urais Mheshimiwa Jakaya Mrisho Kikwete huko Kibaha leo mchana

Mashabiki wa CCM wakiimba na kucheza kwenye mkutano wa kampeni wa Mheshimiwa Kikwete leo mchana Kongowe Kibaha Mjini Mkoani Pwani.

Mheshimiwa Kikwete akihutubia umati mkubwa wa watu kwenye mkutano wa kampeni Kibaha Mkoani Pwani leo tarehe 15.10.2010

Mgombea urais wa Tanzania kupitia CCM, Jakaya Kikwete, akisikiliza, huku daktari wake, Profesa Janabi, akichukua maelezo ya mzee Msiani Msisi (Kushoto) ambaye ana matatizo ya mguu wa Kushoto. Mzee Msisi anatumia mguu wa bandia aliopatiwa na mgombea huyo wa CCM. Hapa ilikuwa ni baada ya Kikwete kuhutubia mkutano wa klampeni huko Kibaha mkoani Pwani jana.

Na Joseph Mwendapole, Kisarawe.

MGOMBEA urais kwa tiketi ya CCM, Rais Jakaya Kikwete, ameonya viongozi wasijiuzie matrekta madogo ambayo yananunuliwa na serikali kwa ajili ya kuwauzia wakulima ikiwa ni jitihada za kuwaondoa kwenye kilimo cha jembe la mkono.

Vile vile, Kikwete alisema serikali itaendelea kuwahudumia waathirika wa ugonjwa wa Ukimwi hadi umauti utakapowakuta kwani huo ni mzigo wa serikali.

Aliyasema hayo wakati wa mikutano ya kampeni Kisarawe mjini na Wilaya ya Kibaha katika mfululizo wa mikutano yake ya kampeni ya kuwnaia kurudi Ikulu ka awamu ya pili.

Alisema viongozi wanapaswa kuhakikisha trekta hizo zinawafikia wakulima badala ya kujiuzia wenyewe kwa wenyewe.

“Tulisimamisha ununuzi wa magari ya serikali kwa miaka miwili mfululizo ma lengo ikiwa ni kununua trekta hizi kwa wakulima, hivyo zikija ziwafikie walengwa ambao ni wkaulima wadogo maana zinaweza kuja hapa ukasikia wakubwa kwa wakubwa wanauziana, sisi tunawalenga wakulima wadogo ili waondokane na kilimo cha jembe la mkono,” alisisitiza Kikwete.

Kuhusu vyama vya ushirika, Kikwete alisema aliamua kununua madeni ya vyama hivyo ili vikopesheke ila aliwaasa wananchi hao wasiwarejeshe madarakani watu waliovifilisi.

“Ndugu wananchi lengo la kubeba mzigo wa madeni lilikuwa zuri sana, tulitaka vyama vile vikopesheke na viendelee na kazi zake maana vile ndio mkombozi wa wakulima dhidi ya wanyonyaji sasa na nyinyi mkibebwa shikamaneni msiwarejeshe wale viongozi waliowafikisha hapo,” alisisitiza.

Alisema bila vyama hivyo wanunuzi wa mazao ya wakulima wamekuwa wakilalia wananchi katika mazao yao kama walivyokuwa wakinunua korosho ka wa sh 160 kwa kilo.

Alisema baada ya serikali kuingilia kati na kuweka bei elekezi ya sh 800 kwa kilo, sasa zao hilo limepanda bei hadi kufikia sh 1700 kwa kilo mkoani Mtwara.

Vile vile, Kikwete alisema serikali inatarajia kujenga kiwanda kikubwa cha kutengenezea dawa ya kuulia mazalia ya mbu wilayani Kibaha mkoa wa Pwani.

Alisema serikali inatumia fedha nyingi kutibu ugonjwa huo hivyo imeamua kwa dhati kuua mazalia ya mbu kwa kunyunyuzia dawa nyumba zote nchini.

Alisema kwa kuanza tayari nyumba za mikoa ya Kagera, Mara na Mwanza imeshanynyuziwa dawa hizo na kwamba baada ya hapo zoezi hilo litaendelea hadi mikoa yote nchini.

Kuhusu ugonjwa wa Ukimwi, alisema Mkoa wa Pwani unamaambukizi makubwa ya ugonjwa huo hivyo aliwataka wawe wanafuata mafundisho ya viongozi wa dini na wasiyapuuze.

Alisema watu 17,989 mkoani humo wanatumia ARV na theluthi moja ya watu hao wanatoka wilaya ya Kisarawe.

“Maambukizi ni makubwa na tusifanye mzaha, sikilizeni na kufuata ya viongozi wa dini ila mkishindwa kabisa mtusikilize sisi wahubiri wa dunia tunaowashauri mtumie kinga,” alisema.

Mkutano wa Kampeni Kisarawe- JK: Tumejipanga kuokoa wakina mama na Kansa ya Shingo ya uzazi

2010-10-15T10:52:00.002+03:00

Mgombea urais wa Tanzania kupitia CCM, Jakaya Kikwete, akisalimiana na wananchi wakati akiwasili kuhutubia mkutano wa kampeni huko Kisarawe mkoani Pwani jana asubuhi Oktoba 15, 2010.

Mgombea urais wa Tanzania kupitia CCM, Jakaya Kikwete, akiwa amembeba mtoto Viazi Hassan mwenye umri wa mwaka mmoja na nusu, wakati akiwasili kuhutubia mkutano wa kampeni huko Kisarawe mkoani Pwani jana asubuhi Oktoba 15, 2010.

Mgombea Urais wa Jamhuri ya Muungano wa Tanzania kupitia Chama Cha Mapinduzi Mheshimiwa Jakaya Mrisho Kikwete amesema chanjo kwa kina mama kuzuia kansa ya shingo ya uzazi itaanza kutolewa nchini hivi karibuni.

Mheshimiwa Kikwete ameyasema hayo leo kwenye mkutano wa kampeni Kisarawe ambapo alikuwa ananadi sera za CCM na jitihada madhubuti za kupambana na maradhi makubwa yanayowasumbua Watanzania wengi.

Kansa ya shingo ya uzazi ndiyo inayoongoza kwa kuua wakina mama wengi zaidi, ikifuatiwa na kansa ya koo na kansa ya matiti.

Mheshimiwa Kikwete alielezea jitihada za chama chake za kupambana na gonjwa hilo na kusema jitihada zimeshaanza ili kuhakikisha chanjo inapatikana.

"Tumeshajipanga sawasawa na kuanzia mwakani tutahakikisha wakina mama wote wenye umri unaostahili wanapatiwa chanjo ili kuwanusuru na kansa hiyo hatari". alisema Mheshimiwa Kikwete huku akishangiliwa na umati wa watu uliofika kwenye mkutano huo wa kampeni.

Mheshimiwa Kikwete pia alielezea jitihada mbalimbali za serikali yake inayoongozwa na CCM kutokomeza Malaria, ambapo alisema ifikapo mwaka 2015 angependa kuona Tanzania inatangaza duniani kwamba ni nchi ambayo haina malaria.

Pamoja na kuzungumzia mafanikio ya sera za CCM kwa miaka mitano iliyopita, Mheshimiwa Kikwete pia aliwanadi madiwani na mgombea ubunge wa Jimbo la Kisarawe Bwana Suleiman Said Jafo ambaye wananchi wa Kisarawe wanamuita Obama.

Kampeni za Mheshimiwa Kikwete Leo

2010-10-15T08:41:00.001+03:00

Kampeni za Mgombea Urais wa Tanzania kupitia Chama Cha Mapinduzi Mheshimiwa Jakaya Mrisho Kikwete leo ziko mkoani Pwani ambapo mkutano wake wa kwanza wa kampeni utakuwa Kisarawe Mjini.

Baada ya Kisarawe msafara wa Mheshimiwa Kikwete utaelekea Kibaha mkoani Pwani na baadaye kumalizia mkutano wa mwisho kwa siku ya leo Mafia.

Mkutano wa Kampeni Mbinga katika Picha

2010-10-11T22:53:00.000+03:00

Mgombea urais wa Tanzania kupitia CCM, Jakaya Kikwete, akipungia wananchi waliofika uwanja wa ndege wa Mbinga mkoani Ruvuma kumuaga mara baada ya kuhutubia mkutano wa kampeni jimboni humo Oktoba 11, 2010

Wananchi wa Mbinga wakishangilia msafara wa Mheshimiwa Kikwete

Mgombea Urais kupitia Chama Cha Mapinduzi Mheshimiwa Jakaya Kikwete akicheza ngoma ya chihoda iliyokuwa ikichezwa na akinamama wa kabila la wamatengo wa mjini Mbinga muda mfupi kabla ya kuhutubia mkutano mkubwa wa kampeni

Mgombea Urais kupitia CCM Mheshimiwa Jakaya Kikwete akiangalia ngoma ya mganda huko mjini Mbinga kabla ya kuhutubia mamia ya wakazi wa mji huo katika siku yake ya pili ya kampeni katika mkoa wa Ruvuma

Rais Jakaya Kikwete ambaye ni mgombea Urais kupitia Chama Cha Mapinduzi akisalimiana na wananchi mbalimbali wa mji wa Mbinga waliojawa na shauku kubwa ya kuonana naye kabla ya kuhutubia mkutano mkubwa wa kampeni.

Mganda

Umati wa wana Mbinga wakimsikiliza Mheshimiwa Kikwete ambaye ni mgombea wa urais kupitia CCM akihutubia mkutano wa kampeni

Mgombea urais wa Tanzania kupitia CCM, Jakaya Kikwete, akiungana na wasanii wa ngoma za asili wilayani Mbinga mkoani Ruvuma, kucheza ngoma ya Lizombe.

Wasanii wa ngoma za asili mkoani Ruvuma wakitumbuiza kwenye mkutano wa kampeni uliohutubiwa na mgombea urais wa Tanzania kupitia CCM, Jakaya Kikwete, Oktoba 11, 2010

Mgombea Urais kwa tiketi ya Chama Cha Mapinduzi(CCM) Dr.Jakaya Mrisho Kikwete akiongea na mtoto mlemavu Maria Chiwinga muda mfupi baada ya kuwasili mjini Mbinga jana ambapo aliwahitubia wananchi katika mkutano mkubwa wa kampeni.Dr.Kikwete aliahidi kumpatia mlemavu huyo msaada ili aweze kuendelea vyema na masomo yake.

Mheshimiwa Kikwete akiweka ishara ya ushindi kwa wana CCM wa Mbinga waliojitokeza kwa wingi kusikiliza mkutano wa kampeni mkoani Ruvuma.

Mkutano wa Kampeni Mbamba Bay, Mbinga - JK awadhihaki wanaopinga ahadi ya unuuzi wa meli

2010-10-11T18:41:00.001+03:00

Mheshimiwa Kikwete akihutubia mkutano wa kampeni Mbinga

Maelfu ya wakazi wa wilaya ya mbinga mkoani Ruvuma wakisikiliza hotuba ya mgombea urais wa Tanzania kupitia CCM, Jakaya Kikwete, alipohutubia mkutano wa kampeni jana wilayani humo.

Mgombea Urais wa Tanzania Mheshimiwa Kikwete akihutubia mkutano wa kampeni Mbinga

Mheshimiwa Jakaya Mrisho Kikwete akiwa kwenye picha ya pamoja na Muasisi wa TANU Mzee Ntimbanjayo John Millinga,89, walipokutana mjini Mbinga mara baada ya kuhutubia mkutano mkubwa wa kampeni Mbinga.

Umati wa wananchi ukimshangilia Mheshimiwa Kikwete alipokuwa akihutubia mkutano wa kampeni Mbinga

Mgombea Urais kupitia Chama Cha Mapinduzi Mheshimiwa Jakaya Kikwete akimtambulisha rasmi mgombea ubunge wa jimbo la Mbinga Mashariki ndugu Gaudence Kayombo wakati wa mkutano wa kampeni alioufanya mjini Mbinga terehe 11.10.2010.

RAIS Jakaya Mrisho Kikwete na Mgombea Urais wa Tanzania katika Uchaguzi Mkuu wa mwaka huu kupitia Chama cha Mapinduzi (CCM) amewadhihaki wanasiasa wa upinzani ambao wanapinga ahadi yake ya kununua meli mpya tatu kwa ajili ya usafiri wa abiria na mizigo katika maziwa matatu makuu ya Tanzania.

Lakini Rais Kikwete amesisitiza kuwa hata wapinge kiasi gani, bado Serikali yake ikirudishwa madarakani katika Uchaguzi Mkuu wa mwisho wa mwezi huu, itanunua meli za usafiri katika maziwa ya Victoria, Tanganyika na Nyasa.

“Mimi naahidi kununua meli kwa ajili ya kupunguza shida ya usafiri ya wananchi, wao wananipinga kiasi cha kunifikisha kwenye Tume ya Taifa ya Uchaguzi (NEC),” Rais amewaambia mamia kwa mamia ya wananchi waliohudhuria mkutano wa kampeni uliofanyikia Mbamba Bay, Jimbo la Mbinga Magharibi, Mkoa wa Ruvuma, mchana wa leo, Jumatatu, Oktoba 11, 2010.

Rais Kikwete ameongeza, “Wenyewe wanaahidi kununua treni ya kusafiri kwa saa tatu kati ya Dar Es Salaam na Mwanza, wala mimi sisemi kitu, lakini nikiahidi meli kwa ajili ya usafiri wa wananchi naambiwa nimevunja maadili ya Uchaguzi Mkuu.”

Amesisitiza Rais Kikwete: “Tofauti kati ya ahadi zangu na za kwao ni kwamba wanajua kuwa za kwao ni za uongo na hazitekelezeki na za kwangu ni za ukweli na zinatekelezeka.”

Mwanzoni mwa kampeni ya Uchaguzi Mkuu wa mwaka huu, chama cha CHADEMA kilimfikisha kwenye NEC Mgombea huyo wa CCM kikilalamika kuwa Rais Kikwete alikuwa amevunja maadili ya uchaguzi kwa kuahidi kununua meli ya kuchukua nafasi ya MV Bukoba iliyozama katika Ziwa Victoria miaka 16 iliyopita. Hata hivyo, Tume ilitupilia mbali malalamiko hayo.

Lakini leo, Rais Kikwete amewaambia wananchi wa Mbamba Bay: “ Napenda kurudia yale ambayo nimeyasema kule kanda ya Ziwa kuwa tutanunua meli tatu – moja, meli yenye uwezo wa kubeba tani 400 ambayo tutaiweka katika ziwa hili la Nyasa kuchukua meli iliyozama, ya pili, meli ya kuziba pengo la MV Bukoba iliyozama katika Ziwa Victoria na ya tatu itakuwa ni meli itakayochukua nafasi ya MV Liemba katika Ziwa Tanganyika.”

Ameongeza Rais Kikwete: “Ile meli ya MV Liemba imechoka sana. Ni meli iliyoachwa na Wajerumani na mimi niliisoma katika vitabu vya historia nikiwa darasa la tatu.”

Rais Kikwete amesema kuwa Serikali yake haiwezi kukatishwa tamaa na maneno ya wapinzani katika jitihada zake za kuwaletea wananchi maendeleo.

Mkutano wa Kampeni Peramiho - JK: Hatuwezi Kutoa Huduma za Jamii Bure!

2010-10-11T16:57:00.001+03:00

Jakaya Mrisho Kikwete akimnadi mgombea ubunge jimbo la Peramiho Jenister Mhagama wakati wa mkutano wa kampeni uliofanyika katika kata mpya ya Mtyangimbole, jimbo la Peramiho mkoani Ruvuma jana mchana

Na Joseph Mwendapole, Peramiho

MGOMBEA urais kwa tiketi ya CCM, Rais Jakaya Kikwete, amesema serikali haina uwezo wa kutoa huduma za jamii bure na amewashangaa wanasiasa wanaopita wakiwadanganya wananchi kuwa iwapo wakichaguliwa watatoa huduma hizo bure.

Aliyasema hayo katika kata mpya ya Mchangimbore jimbo la Peramiho mkoani Ruvuma katika siku yake ya pili ya kampeni katika mkoa huo.

Kikwete alisema serikali ilishajaribu sera hiyo ya huduma bure lakini ilishindwa kwani bidhaa ziliadimika na huduma nyingi zilishindwa kutolewa.

Alisema licha ya maendeleo yaliyofikiwa tangu Uhuru, Tanzania bado ni nchi maskini na haiwezi kutoa huduma bure kama baadhi ya watu wanavyowaahidi wananchi katika kampeni zao.

“Nimebahatika kukaa serikalini muda mrefu sana hiyo sera ya bure tulijaribu na ikatushinda na wakati huo hayati baba wa Taifa, Julius Nyerere akiwa mwenyekiti wa chama, tulikaa naye tukaona hilo haiwezekani tukaamua tubadilishe sasa nawashangaa wenzetu wanawadanganya eti watatoa bure,” alisema Kikwete.

Alisema CCM inaahidi mambo yanayotekelezeka na kwamba imejitahidi kuhakikisha yale yote yaliyoahidiwa mwaka 2005 katika Ilani yake yametimizwa.

Alisema hivi karibuni alishangazwa na mwanasiasa mmoja aliyedai kuwa ana uwezo wa kuanzisha usafiri wa treni kutoka Dar es Salaam kwenda mkoani Mwanza kwa masaa matatu, jambo ambalo Kikwete alisema haliwezekani.

“Ndege ya Rais yenyewe inatumia masaa mawili kwenda Mwanza sasa hiyo treni ya masaa matatu inawezekana kweli kama si uongo wa mchana huu, Baba wa Taifa aliwahi kusema ukiona mtu mzima anadanganya wenzake ujue ana matatizo mawili, ama ana tatizo kichwani mwake ama anawadharau wale anaowadanganya,” alisema Rais Kikwete.

Alisema msemo wake wa ari, nguvu na kasi mpya alipoingia madarakani mwaka 2005 haikuwa wa maneno matupu kwani umewasaidia kufikia malengo waliyojiwekea.

Alisema serikali iliahidi kujenga shule za sekondari kila kata na imefanikiwa kufanya hivyo na sasa kila kata ina shule mbili za sekondari, jambo ambalo awali lilionekana kama haliwezekani.

Alisema serikali imejitahidi kwa kiwango kikubwa kuboresha elimu ya msingi na sekondari na hivi sasa wanafunzi wengi wanapata nafasi ya kwenda shule tofauti na ilivyokuwa mwaka 2005.

Alisema shule zote hizo za kata nchini zitajengwa maabara za kisasa za sayansi kwa mkopo wa benki ya maendeleo ya Afrika ADB, ikiwa ni pamoja na kuwekewa vifaa vya kisasa kwa ajili ya mazoezi ya wanafunzi.

Kikwete alisema serikali yake itaipa kipaumbele elimu kwa kuongeza fedha za bajeti hiyo kila mwaka maana ndio msingi mkubwa wa maendeleo na ndio ufunguo wa maisha.

Kuhusu afya, mgombea huyo alisema serikali itaipandisha hadhi hospitali ya Peremiho kuwa ya rufaa na aliagiza mipango ianze kwa ajili ya ujenzi wa hospitali ya Wilaya na serikali Kuu itasaidia.

“Anzeni sasa kutengeneza mipango na serikali kuu itawasaidia maana tunafanya mipango ile ya Peramiho iwe ya rufaa,” alisema

Alisema hospitali ya Peramiho itakarabatiwa na kupewa vifaa tiba, kuongeza idadi ya madaktari na wauguzi.

Kikwete pia alimnadi mgombea ubunge wa jimbo hilo, Jenister Mhagama kuwa ni mchapakazi hodari na anaheshima ndani ya Bunge hivyo wananchi wanapaswa kumrejesha bungeni kwa njia ya kura tarehe 31 mwezi huu.

“Huyu anaheshimika sana ndani ya Bunge, Spika na Naibu Spika wasipokuwepo yeye anaendesha Bunge,” alisema.

Mkutano wa Kampeni Songea Mjini katika Picha

2010-10-10T21:34:00.001+03:00

Hivi ndivyo meza kuu ya Mwenyekiti wa CCM Taifa na Mgombea Urais wa Tanzania kupitia Chama Cha Mapinduzi Mheshimiwa Jakaya Mrisho Kikwete ilivyopambwa kwenye uwanja wa Majimaji Songea Mjini leo.

Mgombea Urais kwa tiketi ya CCM mheshimiwa Jakaya Kikwete akimtambulisha mgombea Ubunge wa jimbo la Songea Mjini kupitia chama hicho ndugu Emmanuel Nchimbi wakati wa mkutano wa kampeni uliofanyika mjini Songea

Rais Jakaya Kikwete ambaye pia ni Mgombea Urais kupitia Chama Cha Mapinduzi akiingia kwenye uwanja wa Majimaji mjini Songea huku akipungia na kushangiliwa na maelfu ya wananchi waliofurika katika uwanja huo katika siku yake ya kwanza ya kampeni katika mkoa wa Ruvuma tarehe 10.10.2010.

Umati wa wana Songea Mjini wakimsubiri Mheshimiwa Kikwete

Mara tu baada ya kutua kwenye uwanja wa ndege wa mjini Songea tarehe 10.10.2010 kwa ajili ya kufanya kampeni katika mkoa wa Ruvuma, Mgombea Urais kwa tiketi ya Chama Cha Mapinduzi Mheshimiwa Jakaya Kikwete akiwasalimia chipukizi waliofika uwanjani kwa lengo la kumpokea.

Mgombea Urais kupitia CCM Mheshimiwa Jakaya Kikwete anaangalia ngoma ya asili iitwayo beta inayochezwa na wananchi wa kabila la wangoni ambao hutumia mianzi (mbeta) iliyochanwa nyufa ndogondogo huku kijiti kikitumika katika kupiga mwanzi huo wakati wa kumkaribisha mara tu alipowasiri kwenye uwanja wa ndege wa Songea

Umati ukimshangilia Mheshimiwa Kikwete akiingia uwanjani

Rais Jakaya Kikwete akiwa na Mzee Mustapher Songambele,pamoja na Paul Kimiti kwa pamoja wakicheza muziki uliokuwa ukiporomoshwa na msanii wa kizazi kipya ajulikakaye kwa jina la Maloo mara baada ya kuhutubia mkutano mkubwa wa kampeni kwenye uwanja wa Majimaji huko Songea

Wapanda pikipiki wakisindikiza msafara wa JK alipokuwa anaingia uwanja wa Majimaji Songea Mjini leo.

Mkutano wa Kampeni Songea Mjini - JK: Wakataeni Wanaohubiri Umwagaji Damu

2010-10-10T19:48:00.001+03:00

Umati mkubwa wa wananchi wa mji wa Songea waliofurika katika uwanja wa Majimaji kwa ajili ya kusikiliza mkutano wa kampeni uliohutubiwa na Mgombea WA ccm Rais Jakaya Kikwete tarehe 10.10.2010.

Mgombea Urais kupitia Chama Cha Mapinduzi Mheshimiwa Jakaya Kikwete akiwahutubia maelfu ya wananchi wa mji wa Songea waliofurika katika uwanja wa Majimaji kusikiliza mkutano huo wa kampeni tarehe 10.10.2010.

Mafiga Matatu

Asema wanajaribu kutumia ngazi ya maiti za watu kuingia Ikulu

Asisitiza kuwa damu ikianza kumwagika wao watakimbilia Ulaya
Awashutumu ‘wanaochonga’ kuwa Tanzania haijapata maendeleo tangu uhuru

Rais Jakaya Mrisho Kikwete na Mgombea Urais wa Tanzania katika Uchaguzi Mkuu wa mwaka huu kupitia Chama cha Mapinduzi (CCM) amewaonya Watanzania kuwakataa wanasiasa wanaohubiri umwagaji damu nchini kwa nia ya kutumia maiti za watu kama ngazi ya kwenda Ikulu.

Aidha, Rais Kikwete amesema kuwa umwagaji damu ni jambo lenye maslahi tu kwa wanasiasa ambao damu itakapoanza kumwagika watapanda ndege kukimbilia zao Ulaya.

Vile vile, Rais Kikwete amewashutumu wanasiasa wanaotumia uongo katika kampeni za sasa za Uchaguzi Mkuu katika kupindisha mafanikio yaliyopatikana chini ya uongozi wa CCM akiwaita wanasiasa hao “watu wazima ovyo”.

Akihutubia mkutano mkubwa na uliochangamka wa kampeni kwenye Uwanja wa Majimaji mjini Songea jioni ya leo, Jumapili, Oktoba 10, 2010, Rais Kikwete amewasuta ipasavyo wanasiasa ambao wamekuwa wanatishia umwagaji wa damu nchini kama hawakufanikiwa kushika nafasi za uongozi wanazozitaka.

“Sisi ni CCM. Sisi ni chama kisichohubiri umwagaji damu. Sisi ni chama cha amani. Umwagaji damu hauna maslahi yoyote na wala tija kwa yoyote isipokuwa kwa wanasiasa wanaotaka kutumia maiti za watu kama ngazi ya kuingilia Ikulu,” amesema Rais Kikwete na kuongeza:

“Hawa siyo watu. Hawana maana yoyote. Achaneni nao watu wa namna hii wanaotaka kupata madaraka kwa ngazi ya maiti za wananchi wasiokuwa na hatia.”

Amesisitiza Rais Kikwete: “Wanachochea watu wamwage damu na wao wapande ndege kwenda zao Ulaya na kuwaachia nyie mkitoana damu.”

Viongozi wa Chama cha CHADEMA, na hasa mwenyekiti wa chama hicho, Freeman Mbowe wamekuwa wakihubiri umwagaji damu nchini endapo chama hicho kitashindwa katika Uchaguzi Mkuu wa mwaka huu.

Kuhusu madai ya uongo ambayo yamekuwa yanasambazwa na wanasiasa kuwa hakuna maendeleo yoyote ya maana yaliyopatikana Tanzania tokea uhuru mwaka 1961, Rais Kikwete amewaambia maelfu ya wananchi hao kwenye Uwanja wa Majimaji:

“Wanapitapita.. wakichonga sana kuwa hakuna maendeleo yoyote yaliyopatikana tokea uhuru wetu. Kwa nini watu wanakuwa waongo kiasi hiki…watu wazima ovyo”

Amesema kuwa ukweli utabakia pale pale hata kama wengine hawataki kuukubali kuwa CCM imeongoza Tanzania vizuri na chama hicho kimekuwa mbegu iliyozaa vyama vingine vyote vya siasa nchini. “Hiki ni chama imara, chama dume, dume la mbegu. Mbegu yetu ndiyo imezaa CHADEMA, ndiyo iliyozaa CUF na vingine vyote.”

Rais Kikwete amewaelezea wana-Songea mafanikio makubwa yaliyopatikana katika miaka mitano iliyopita ya uongozi wake.

Aidha, Rais Kikwete ametangaza kuwa Serikali itajenga Chuo Kikuu cha Madaktari mjini Songea kwa kushirikiana na Serikali ya Cuba.

JK asheherekea miaka 60 ya kuzaliwa

2010-10-07T23:57:00.001+03:00

Mgombea Urais wa Jamhuri ya Muungano wa Tanzania kupitia Chama Cha Mapinduzi, Mheshimiwa Jakaya Mrisho Kikwete leo amesheherekea miaka 60 ya kuzaliwa kwa tafrija ya aina yake.

Ikiwa ni siku ya mapumziko kwenye ratiba ya kampeni zake, familia ya Mheshimiwa Kikwete kushirikiana na Clouds Media Entertainment waliandaa tafrija fupi ambapo Mheshimiwa Kikwete alipata fursa ya kusheherekea siku hiyo siyo tu na wanafamilia na viongozi wa nchi, bali aliburudishwa na bendi aliyokuwa anaipenda sana Sikinde Ngoma ya Ukae.

Mojawapo ya burudani iliyotawala sherehe hiyo ni pale Mheshimiwa Kikwete alipokuwa anajibu maswali yaliyokuwa yanaulizwa na mtangazaji machachari wa Clouds FM wa kipindi cha Power Breakfast Bwana Gerald Hando aliyesaidiana na mshereheshaji wa siku Ephraim Kibonde kama ifuatavyo:

Swali: Ni chakula gani ambacho unakipenda sana
Jibu: Bambiko, chakula cha asili kutoka nyumbani Musoga.

Swali: Ulipokuwa kijana unasoma, ulikuwa unafikiria ungependa kuwa nani?
Jibu: Nilipokuwa mdogo tulikuwa tunaangalia pale kijijini nani alikuwa anaheshimika sana. Na vijana wote walitaka wakiwa wakubwa wawe kama huyo. Sasa kulikuwa na Karani ambaye alikuwa smart sana na anavaa shati na peni mfukoni. Hivyo nilipenda sana kuwa karani.

Swali: Kati ya watoto wako, ni mtoto yupi uliyefanana naye sana na amechukua tabia zako?
Jibu: (vicheko na makofi) Watoto wangu wote nawapenda sana, na wote nimefanana nao sana. Lakini kuna kitu kimoja ambacho nadhani wote wamenifanana, ni mapenzi yangu kwenye muziki. Na mimi nadhani nimerithi kutoka kwa baba yangu.

Swali: Ulikutana vipi na Mama Salma hadi mkaoana?
Jibu:(vicheko, makofi) Tulikutana Nachingwea, wakati nikiwa Mkuu wa Wilaya pale Nachingwea yeye alikuwa anasomea ualimu pale chuoni. (Ulikutana naye vipi?) Barabarani, alikuwa akitokea chuoni na nilipomsalimia aliniponda. (vicheko na makofi) Lakini nikasisitiza (vicheko, makofi) eeh ndio, unang'ang'ania tu, unarudiam, unarudia, unarudia hadi akaanza kunisalimia na kunisemesha. (Makofi) Nikamwambia mojakwamoja, nataka kumuoa na nitatuma mshenga kwao. Alifikiri natania. Lakini baada ya muda nilituma mshenga na tukasubiri majibu na taratibu nyingine zikafuata. (makofi)

Swali: Je ulipokuwa jeshini, ni kosa gani kubwa ulilolifanya na ulipewa adhabu gani?
Jibu: (vicheko) Nilipokuwa jeshini nilikuwa msafi sana, hivyo mara kwa mara wenzangu walikuwa wakiitwa na kupewa adhabu na kuambiwa wafuate mfano wangu. Hivyo kwa kuwa nilikuwa natolewa mfano mara kwa mara, nilijitahidi sana kuwa na tabia ya kutokufanya makosa na hivyo kuepuka adhabu. Ila kuna zile adhabu za jumla zile, zile za ma-group, kombania nzima mnaweza kuambiwa leo mmeharibu ruka kichurachura. Hizo nilizipata, lakini mimi mwenyewe binafsi, labda nilipokuwa shule ya msingi. Kuna siku nilichapwa, tena yule mwalimu wangu yule aliyenichapa bado yupo, yupo Matombo pale Morogoro. Siku hiyo nilikuwa zamu kulinda kuku wa shule, na nyoka akaingia bandani na kumuua kuku mmoja. Basi nilichapwa viboko sana, japo naona kama vile yule mwalimu alinionea vile (alicheka na wageni wote walicheka). Hiyo ndio adhabu ambayo naikumbuka.

Swali:Ni comedians gani ama wachekeshaji watatu wanaokuvunja mbavu
Jibu:Ze Komedi ( Origino Komedi?) Ndiyo, kina Joti. Hawa nikiwaangalia huwa na cheka sana. Mwingine tulikuwa tunasoma naye nikiwa sekondari sasa ni marehemu, naye alikuwa mcheshi saaana. Hapo zamani alikuwa akituchekesha mno. (na mwingine wa tatu?) aaah wapo wengi kwa kweli ila sasa siwakumbuki, na Bambo pia ananichekesha sana.

Kwa niaba ya familia, mtoto wa Mheshimiwa Kikwete Dr. Salama alimpongeza baba yake kwa kufikisha miaka 60 na alitoa salamu za upendo kumtakia kila la kheri na kushukuru kwa malezi mazuri anayoendelea kuwapa.

Naye Mkurugenzi Mkuu wa Clouds Media Bwana Joseph Kusaga, alisoma risala fupi ya kumpongeza Mheshimiwa Kikwete na kueleza wageni waalikwa chimbuko la wana Clouds kuandaa sherehe hizo za siku ya kuzaliwa.

Alisema mwaka jana siku kama ya leo kwenye kipindi cha Power Breakfast, Mheshimiwa Kikwete alifanya mahojiano na watangazaji hao na walimuuliza kama wana Clouds wangeweza kupewa nafasi ya kumuandalia sherehe ndogo kwenye sherehe yake ijayo. "Naye alikubali, na kwa sasa napenda kuwaambia yule mtangazaji aliyeuliza hilo swali tumempandisha cheo" alimaliza Kusaga huku akishangiliwa na wageni wote na wale wa Clouds.

Akitoa shukrani zake, Mheshimiwa Kikwete alisema amefurahishwa sana na jitihada za familia yake na Clouds ya kuandaa sherehe hiyo. Alikiri kuwa yeye siku zote huwa hakumbuki siku yake ya kuzaliwa, na kwa kufikisha miaka 60 amefurahi sana kupongezwa kwa aina hiyo.

Alieleza kuwa ameshangazwa sana kuona kuwa licha ya kualikwa ndugu na jamaa wa karibu, waandaaji hao wameweza kuleta kikundi maarufu cha ngoma kutoka Msoga, na bendi yake aliyokuwa akiipenda sana ya Sikinde.

Akizungumzia jitihada za vijana nchini kujikwamua kiuchumi, Mheshimiwa Kikwete alisema Joseph Kusaga na Ruge Mutahaba na mifano ya kuigwa na anashukuru kwa mchango wao kwa jamii katika kuendeleza nguvu kazi ya vijana kwa kupitia burudani na muziki.

Mapokezi ya kishindo yamsubiri JK Uwanja wa Demokrasia Kipandamaiti

2010-10-06T17:15:00.000+03:00

Barnaba, CCM Oyee

Barnaba na Lina, wrong number

Marlow akiimba CCM Pipi "Tumeanza kupiga honi na Pipi, Haooo Hawaelewani" uwanja wa demokrasia leo jioni

Marlow "Kiduku" style

Umati wa wana CCM na wananchi wa Unguja waliofurika uwanja wa demokrasia kipandamaiti

Utenzi

Kikundi cha Taarab cha Big Star kikitoa burudani

Maelfu ya wananchi waliohudhuria mkutano wa kampeni Unguja

Mwanachama wa CCM akiimba wimbo wa Marlow wa pipi wakati mwanamziki huyo alipoingia jukwaani kutumbuiza

Kikundi cha kiduku kutoka Dar es salaam kikitoa burudani kwa staili ya pekee

Wana CCM wakicheza kwa pamoja kabla ya mkutano wa kampeni kuanza

Msafara wa Mheshimiwa Kikwete unasubiriwa kwa nderemo na vifijo sasa hivi hapa kwenye uwanja wa Demokrasia Kipandamaiti Unguja.

Vikundi mbalimbali vya burudani vimeshapanda jukwaani kutoa hamasa kabla ya mkutano wa kampeni kuanza.

Kikundi maarufu cha taarab cha BigStar cha Mkoa Mkuu Magharibi hapa Unguja kilirusha roho za wana CCM na wananchi waliofurika kwa maelfu kuhudhuria mkutano wa kampeni wa Mheshimiwa Kikwete.

Burudani nyingine zilizotumbuiza ni Barnaba na Lina kutoka Dar es salaam, Marlow, Mheshimiwa Temba na Chege, Diamond wote wakiwa na nyimbo zao mpya za uchaguzi na CCM.

Za Origino Komedi nao hawakuwa nyuma, walionekana uwanjani na kuvutia umati mkubwa wa watu kabla hata ya kupanda jukwaani.

Baada ya kupanda jukwaani, ze komedi waliwapagaisha wananchi waliofurika kwa burudani waliyoitoa na misemo ya "usichague wapinzani baba hapendi".

Mheshimiwa Kikwete na msafara wake umewasili leo mchana ukitokea Pemba baada ya kufanya mkutano mkubwa wa kampeni Chakechake jana jioni. Leo anatarajiwa kupanda jukwaani saa kumi na moja jioni baada ya burudani zinazoendelea sasa.

Mkutano wa Kampeni Dodoma - "Nina Kila sababu ya kurudi Ikulu, Nichagueni" JK

2010-10-03T19:49:00.001+03:00

Na Joseph Mwendapole, Dodoma

MGOMBEA Urais kwa tiketi ya CCM, Rais Jakaya Kikwete, amesema ana kila sababu ya kurudi Ikulu kwa awamu ya pili kwani amewafanyia mengi watanzania na katika miaka mingine mitano ijayo amedhamiria kuwafanyia mambo makubwa ambayo yanaonekana kama hayawezekani.

Aliyasema hayo katika mikutano mbalimbali ya kujinadi mkoani Dodoma ambapo alifanya kampeni katika majimbo ya Mtera, Chilonwa, Bahi na Kongwa akiwa katika harakati zake za kuomba kura kurejea Ikulu kwa mara nyingine.

Kikwete alisema katika Ilani ya mwaka huu kumejaa mambo mengi mazuri hivyo watanzania wasiwe na wasiwasi kwani wakimchagua yeye watarajie mambo mazuri mengi kwa miaka mitano ijayo.

“Ilani ya mwaka 2005 si mnaiona ilivyo ndogo lakini tumefanya mambo mengi kwa kutumia Ilani hii na sasa oneni hii ya mwaka huu ilivyo bonge, hii imejaa mambo mengi mazuri ambayo tunakusudia kuwafanyia, vyama vingine havina kitu kama hiki wao wakija hapa wanapiga porojo wanaondoka tu, ndugu zangu tumefanya mengi kwa miaka mitano iliyopita na tutafanya mengi zaidi miaka mitano ijayo mkituchagua” alisema Kikwete.

Kikwete alisema ana sababu nyingi za kuwaomba watanzania wamrudishe Ikulu kwani chini ya uongozi wake mambo mengi yamefanyika kama ujenzi wa barabara, zahanati, hospitali, uchumi kuimarika licha ya msukosuko wa dunia na kupambana na maradhi ya Ukimwi na Malaria.

Aliwataka wananchi wasikubali kuhadaiwa na maneno ya wapinzani kuwa serikali ya CCM haijafanya lolote tangu Uhuru na kwamba wanapokuja kusema hayo wananchi wawahoji maendeleo yanayoonekana yameletwa na nani.

“Maendeleo yanaonekana ila hawa wenzetu wana mtima nyongo tu, wakija hapa wakasema uongo wao msiwaache hivi hivi wakaondoka tu lazima muwahoji hizo barabara nzuri wanazopita, hospitali na huduma zote wanazofaidi zimeletwa na nani kama sio CCM, waambieni ukiona vyaelea vimeundwa na muundaji ni CCM “ alisema Kikwete

Aidha, alisema serikali itaendelea kuimarisha miundombinu mbalimbali nchini pamoja na huduma za afya ili wananchi wengi waweze kupata huduma hizo karibu na maeneo yao na kwa urahisi kama ambavyo imeweza kufanya katika awamu ya kwanza ya miaka mitano.

Alisema wakati akijinadi kwa wapiga kura mwaka 2005 kuomba ridhaa ya kuingia Ikulu aliahidi kuendeleza kudumisha amani na utulivu na kwamba akichaguliwa kwa mara nyingine tena nchi itatulia zaidi ya ilivyo sasa.

“Niliahidi amani, hebu tuulizane amani ipo haipo, “ alihoji na wananchi kuitikia kuwa ipo.

Kuhusu ugonjwa wa Ukimwi, Kikwete alisema serikali imeendelea kutoa bure dawa za kurefusha maisha ARVs kwa wagonjwa nchini ila aliwashauri watu waache ngono isiyo salama.

Alisema watu wengi wanapata Ukimwi kwa kujitakia kwani wanafanya hivyo kwa starehe zao na kwa viherehere na ni matokeo ya kutosikiliza mafundisho ya viongozi wa dini.

Alisema walioko kwenye ndoa wanapaswa kuheshimu ndoa zao na ambao hawajaolewa wanapaswa kusubiri hadi wakati wao utakapofika lakini suala la kusubiri limeonekana kuwa ni tatizo kubwa kwa watanzania wengi.

“Mkizingatia mafundisho ya viongozi wa dini hampati Ukimwi maana wanakataza zinaa, ila mkishindwa kuwasikiliza wao tusikilizeni sisi wahubiri wa dunia, mkienda kufanya lile tendo mkumbuke kutumia kinga na imethibitishwa na wataalamu kuwa mkitumia kinga hamtapata Ukimwi,” alisema.

Mkutano wa Kampeni Dodoma Mjini - Picha

2010-10-03T18:49:00.001+03:00

Msanii Mabida akitumbuiza kwenye mkutano wa kampeni uliohutubiwa na mgombea urais wa Tanzania kupitia CCM, Jakaya Kikwete jana uwanja wa Jamhuri mjini Dodoma.

Mgombea urais wa Tanzania kupitia CCM, Jakaya Kikwete, akisalimiana na chipukizi wakati akiwasili uwanja wa Jamhuri mjini Dodoma jana ambako alihutubia mkutano wa kampeni.

Mgombea urais wa Tanzania kupitia CCM, Jakaya Kikwete, akipungia wananchi wakati alipowasili uwanja wa Jamhuri mjini Dodoma jana jioni kuhutubia mkutano wa kampeni.

Wananchi wa Dodoma wakimshangilia mgombea urais wa Tanzania kupitia CCM, Jakaya Kikwete alipowasili uwanja wa Jamhuri mjini Dodoma, kuhutubia mkutano wa kampeni

Mgombea urais wa Tanzania kupitia CCM, Jakaya Kikwete, akihutubia mkutano wa kampeni uwanja wa Jamhuri mjini Dodoma jana jioni.

Mgombea urais wa Tanzania kupitia CCM, Jakaya Kikwete, akimnadi mgombea ubunge wa jimbo la Dodoma mjini Mallole David Mciwa wakati wa mkutano wa ke wa kampeni jana uwanja wa Jamhuri mjini Dodoma.

Mkutano wa Kampeni Itigi: Picha

2010-10-03T18:37:00.000+03:00

Wananchi wakimpungia mgombea urais wa Tanzania kupitia CCM, Jakaya Kikwete, wakati akiwasili kuhutubia mkutano wa kampeni huko Tarafa ya Itigi mkoani Singida mchana. Mgombea huyo amewasili Dodoma jioni hii.

Mgombea urais wa Tanzania kupitia CCM, Jakaya Kikwete, akiongozana na bibi kizee huyu, Khadija Ali Kimwaga, wakati akiwasili kuhutubia wananchi huko Itigi mkoani Singida leo mchana.

Mgombea urais wa Tanzania kupitia CCM, Jakaya Kikwete, akidansi mara aada ya kuhutubia mkutano wa kampeni huko Itigi mkoani Singidea jana mchana.

Mkutano wa Kampeni Manyoni: Chiligati ampongeza JK kuleta maji Manyoni

2010-10-03T16:50:00.000+03:00

Mheshimiwa Jakaya Mrisho Kikwete akihutubia mkutano wa kampeni Manyoni Mashariki leo tarehe 3.10.2010

Mgombea Ubunge wa jimbo la Manyoni Mashariki John Chiligati akimmwagia sifa Mheshimiwa Kikwete na CCM wakati akielezea mafanikio ya utekelezaji wa Ilani ya CCM jimboni hapo.

Kikundi cha ngoma kikitumbuiza kabla ya Mheshimiwa Kikwete kuwasili kwenye uwanja wa mkutano

Mheshimiwa Kikwete akiwasili kwenye uwanja wa mkutano tayari kuhutubia wananchi wa Manyoni kwenye mkutano wa kampeni leo jioni.

Mgombea Ubunge wa Jimbo la Manyoni Mashariki, Mheshimiwa John Chiligati amemmwagia sifa Mheshimiwa Kikwete kwa kutatua tatizo la maji Manyoni mjini. Alisema tnagu Mheshimiwa Kikwete aingie madarakani, ametembelea Manyoni mara nne na muda wote amekua akiahidi kutatua tatizo la maji.

Aliongeza ya kwamba visima na gharama za kusambaza maji zilikuwa juu mno na Mheshimiwa Kikwete aliahidi kugharamia nusu ya gharama hizo kiasi cha shilingi milioni 300, ili kuhakikisha tatizo hilo linapatiwa ufumbuzi.

Chiligati aliyasema hayo alipokuwa akielezea mafanikio ya utekelezaji wa Ilani ya Chama Cha Mapinduzi kwenye mkutano wa kampeni Manyoni Mjini leo.

Kwa upande wa elimu Chiligati alisema kuwa kwa sasa Manyoni ina shule za sekondari 11 ukilinganisha na shule nne tu miaka mitano iliyopita. Aliongeza kuwa sasa lugha ya kusema watoto wanaomaliza darasa la saba wanachaguliwa kuingia sekondari sasa imeisha. "Sasa kila mtoto anayefaulu mtihani wa darasa la saba anaendelea na masomo ya juu" Alisema Chiligati akishangiliwa na maelfu ya wakazi wa Manyoni.

Sifa hizo hazikuishia kwenye elimu tu pia alizungumzia ujenzi wa Barabara ya Manyoni - Singida ambayo alisema zimebaki kilometa chache sana hadi kumalizika. Pia alizungumzia mafanikio kwenye upande wa afya, maendeleo ya mifugo na kilimo na hatimaye mpango wa kurasimisha mali za wanyonge MKURABITA. Kwenye hili alisema vijiji vimeshaanza kupimwa ili kukamilisha zoezi hilo.

Mkutano wa Kampeni Puma na Ikungi - Khambaku apasua jipu yaliyomkuta Chadema

2010-10-03T12:52:00.001+03:00

Khambaku akiongea kwa hisia kwenye mkutano wa kampeni Ikungi kuhusu siku 29 alizokaa Chadema baada ya kuanguka kwenye mchakato wa CCM.

Wasanii Bushoke, Ray C na Flora Mbasha wakitumbuiza wananchi kwenye mkutano wa kampeni Ikungi leo tarehe 3.10.2010

- Alikaa Chadema siku 29

- Atoa siri, Chadema hakuna sera

- Wapinzani zaidi ya 50 warudi CCM

- Wasanii watoa buradani ya kishindo

Aliyeshindwa kura za maoni jimbo la Singida Magharibi na kuhamia Chadema kwa siku 29, Bwana Wilson Elisha Nkhambaku, ameeleza kilichomsibu akiwa kwenye chama hicho pinzani.

Akitoa ushuhuda kwenye mikutano ya kampeni Puma na Ikungi, Khambaku alikiri kughafilika na kukimbilia upinzani baada ya kuanguka kwenye kura za maoni.

Akishangiliwa na umati wa watu pale aliposema kwamba aliomba sera za Chadema kwa wiki moja bila mafanikio na hatimaye kushindwa kupata muelekeo wa chama hicho kwa ajili ya kampeni.

Alisema chama hicho ni matapeli kwani baada ya kumzungusha wiki mbili walimpa sera za matusi na kubeza mafanikio thabiti ya CCM.

Akiongelea mafanikio ya CCM kwenye upanuzi wa elimu ambapo hata Umoja wa Mataifa umetambua na kuipa Tanzania tuzo ya kukidhi malengo ya milenia kwenye upande wa elimu kwa asilimia 95.

Akizungumza kwa hisia kubwa, Khambaku alisema siku 29 alizokaa Chadema zilikuwa za mateso na upweke mkubwa, akizifananisha na nyumba yenye kunguni na chawa ambazo humuwasha mtu anayelala kwenye malazi yake.

Amesema sababu kubwa zilizomfanya yeye kurudi CCM ni amani na utulivu iliyodumishwa na CCM tangu uhuru hadi leo. Amewasihi wananchi wa Singida wasifanye makosa ya kuchagua upinzani, ni wasanii, wana chuki na wanabeza hata mafanikio halali ya CCM.

"Mwisho nawasihi msifanye makosa niliyofanya mimi, msihangaike na wapinzani. Hawana sera hao, nimejionea mwenyewe! Naomba mchague chama madhubuti, CCM"

Alimaliza Khambaku huku akishangiliwa na umati mkubwa wa watu.

Na kwenye mkutano wa kampeni wa Ikungi, wapinzani zaidi ya 50 kutoka Chadema na CUF walirudisha kadi zao na kuingia CCM.

Aliyehama kutoka Chadema, alitoa ushuhuda kwa kusema alipochukua kadi ya Chadema aliambiwa kwamba yeye ni mwenyekiti.

"Nikawauliza mwenyekiti wa nini, wakasema wa kijiji hiki. Nikawahoji nani kanichagua? na ninamuongoza nani? Sikupewa jibu, sasa narudi CCM" Alisema Mzee huyo akishangiliwa na umati wa watu.

Nao wasanii wa muziki hawakuwa nyuma kwenye kutoa hamasa kwenye mkutano huo. Mwanamuziki Flora Mbasha akisindikizwa na wanamuziki wengine mashuhuri Ray C na Bushoke walitoa hamasa kubwa kwa wananchi wa Ikungi waliohudhuria kwa wingi mkutano huo wa kampeni.

Naye mshairi maarufu kutokea hapa Singida alitumbuiza kwa shairi lake lililomshukuru Mheshimiwa Kikwete kwa kuleta wilaya mpya ili kusogeza shughuli za maendeleo karibu na wananchi.

Mshairi huyo alisifia umahiri wa Chama Cha Mapinduzi haswa kuwatayarisha viongozi wa nchi na utawala mzima wa chama. Alisema kutoka umoja wa vijana kuna jumuiya ya wazazi na wanawake ambazo zote zinalenga kuwalea wana CCM kuongoza chama na nchi. Alihoji wapinzani wanapikwa namna hiyo hadi kutaka kugombea uongozi wa juu wa nchi?

Akishangiliwa na umati wa watu, mshairi huyo alisihi pia kudumisha amani na mshikamano haswa kipindi cha uchaguzi. Aliwasihi wana Singida kujitokeza kwa wingi kupiga kura ili mkoa uongoze kwenye kura nyingi kwa wagombea wote wa CCM.

Kabla ya Mkutano wa Ikungi - Singida Mashariki, Mheshimiwa Kikwete alifanya mkutano wa kampeni Puma Singida Magharibi ambapo mgombea ubunge wa jimbo hilo Mohamed Missanga alimshukuru Mheshimiwa Kikwete kwa kuwapatia wilaya mpya na jimbo jipya la uchaguzi.

Baada ya hapa, msafara wa Mheshimiwa Kikwete utaelekea Itigi, Manyoni, Kitinku na hatimaye Dodoma Mjini kwa mkutano wa mwisho wa kampeni kwa siku ya leo.

Kampeni za Mheshimiwa Kikwete leo

2010-10-03T09:57:00.000+03:00

Msafara wa Mgombea wa Urais wa Jamhuri ya Muungano wa Tanzania kupitia Chama Cha Mapinduzi Mheshimiwa Jakaya Mrisho Kikwete leo unamalizia kampeni zake Mkoani Singida na baadaye kuingia Dodoma.

Mkutano wa kwanza wa kampeni utafanyika kijiji cha Puma na baada ya hapo utaenda kijiji cha Ikungi.ambapo pia kutafanyika mkutano wa kampeni.

Baadaye mchana kutakuwa na mkutano wa kampeni Itigi, Manyoni na Kitinku, kabla ya kumalizia na mkutano mkubwa wa kampeni Dodoma Mjini.

Mkutano wa Kampeni Singida Mjini: JK apokelewa kwa mbwembwe!

2010-10-02T18:06:00.002+03:00

Mgombea Urais wa Tanzania kupitia Chama Cha Mapinduzi Mheshimiwa Jakaya Mrisho Kikwete akimnadi Mgombea Ubunge wa Jimbo la Singida Mjini Mohamed Dewji

-Mo Dewji acheza kwa furaha;

-Ashangilia mafanikio ya CCM Singida Mjini;

-Awasihi wana Singida wamwage kura zote CCM

Mgombea ubunge wa Jimbo la Singida Mjini kupitia Chama Cha Mapinduzi Mohamed Dewji maarufu kwa jina la Mo Dewji, amemfagilia Mheshimiwa Kikwete kwa kuongoza nchi na CCM vizuri.

Alisema hayo alipokuwa anasoma mafanikio ya utekelezaji wa ilani ya CCM kwa miaka mitano iliyopita na kusema wananchi wa Singida wamenufaika na mengi hata wakati wa mtikisiko wa uchumi na upungufu wa chakula wananchi wa Singida Mjini walipata msaada kutoka serikalini.

Kwenye upande wa upatikanaji wa maji safi na salama, Mo Dewji alisema sasa maji safi yanapatikana kwa asilimia 85, ukilinganisha na miaka mitano iliyopita. Vilevile kwenye elimu, alisema sasa Singida Mjini ina shule za sekondari zaidi ya ishirini ukilinganisha na shule mbili tu miaka mitano iliypita.

Hata hivyo alisema changamoto iliyopo kwa upande wa elimu ni ujenzi wa shule za kidato cha tano na sita ili wanafunzi wengi zaidi walioweza kuingia sekondari, waweze kuendelea na elimu ya juu.

Changamoto nyingine ni upande wa afya na ugonjwa sugu wa macho (mtoto wa jicho), ambao alieleza unatokana na hali ya hewa ya mji wa Singida. Alieleza mgombea huyo kwamba amefanya jitihada kushirikiana na mashirika yasiyo ya kiserikali na hadi sasa wagonjwa mia tano wamefanyiwa upasuaji kati ya wagonjwa elfu mbili.

Mwishoni alimnukuu baba wa Taifa Mw. Julius Nyerere akiwasihi wana Singida wafanye maamuzi mazuri ya kuchagua viongozi bora kipindi cha uchanguzi. "Na viongozi bora wanapatikana ndani ya Chama Cha Mapinduzi, CCM Oyee, hivyo chagueni CCM iendelee kuongoza" Alimaliza mgombea huyo wa ubunge kijana.

Mheshimiwa Jakaya Mrisho Kikwete akihutubia umati mkubwa wa watu kwenye mkutano wa Kampeni Singida Mjini Leo tarehe 2.10.2010

Umati wa watu uliojitokeza kumsikiliza mgombea urais wa Jamhuri ya Muungano wa Tanzania kupitia Chama Cha Mapinduzi Mheshimiwa Jakaya Mrisho Kikwete alipohutubia mkutano wa kampeni kwenye uwanja wa michezo wa Namfua Mjini Singida leo tarehe 2.10.2010

Mgombea Ubunge kupitia Chama Cha Mapinduzi Jimbo la Singida Mjini Mohamed Dewji akielezea mafanikio ya utekelezaji wa Ilani ya CCM kwenye Jimbo la Singida Mjini kabla ya hotuba ya Mgombea Urais wa Chama hicho Mheshimiwa Jakaya Mrisho Kikwete tartehe 2.10.2010

Mkutano wa Kampeni Ilongero: Nyalandu aelezea mafanikio ya CCM

2010-10-02T15:27:00.001+03:00

Mgombea ubunge wa Jimbo la Singida Kaskazini Mheshimiwa Lazaro Nyalandu amemmwagia sifa Mheshimiwa Jakaya Kikwete kwa kuleta neema kubwa Singida Kaskazini.

Mheshimiwa Nyalandu aliyasema hayo wakati akisoma kwa kifupi mafanikio ya utekelezaji wa Ilani ya CCM ya 2005 - 2010 kwa kuorodhesha mafanikio hayo.

Elimu: Shule za sekondari 9 mwaka 2005 na 28 mwaka 2010. Madarasa ya shule ya awali 89 mwaka 2010 na shule za msingi 88 2010. Walimu 886 wa shule za msingi. Shule za kidato cha tano na sita sasa ziko mbili ambapo 2005 kulikuwa hakuna shule hizo.

Mheshimiwa Nyalandu pia aliongelea jitihada kabambe zilizowekwa na CCM ili kuhakikisha wananchi wa Singida Kaskazini wanapata maji ya kutosha. Alisema visima virefu sasa viko 101 na visima vifupi viko 155.

Kwa upande wa barabara, Mheshimiwa Nyalandu alisema mwaka 2005 kulikuwa na kilometa kumi tu za lami zilizopita katika jimbo hilo. Lakini sasa kuna zaidi ya kilometa 30 za lami zinazopita Singina Kaskazini. "Si hivyo tu, bali sasa Mkoa wa Singida umeunganishwa kwa lami na Mikoa ya Arusha, Dodoma na kilometa kama kumi hivi zitakamilika miezi michache ijayo" alisema mgombea huyo.

Katika upatikanaji wa maji kwa ajili ya mifugo, Mheshimiwa Nyalandu alisema malambo na mabwawa makubwa yameongezwa na hivyo hata idadi ya mifugo imeongezeka kutokana na neema hiyo.

"Mheshimiwa Mwenyekiti wa CCM taifa, jisikie uko nyumbani kwani uko Singida Kaskazini. Kina mama hawa, vijana hawa, wazee hawa na wananchi wote wa hapa ni wana CCM, kura asilimia zote zitapatikana hapa, Ilongero Oyyeee!" Alisema Mheshimiwa Nyalandu kwa kutamba.

Naye mgeni rasmi, Mgombea Urais na Mwenyekiti wa CCM Taifa, Mheshimiwa Jakaya Mrisho Kikwete alisema kwenye hotuba yake kwa wananchi hao kuwa wamefanya jitihada kubwa haswa kwenye utelezaji wa ahadi za CCM 2005.

Alihoji kwenye shule za kata kama ni kweli zilijengwa kama ahadi ilivyowekwa mwaka 2005. "Kuna watu walisema sekondari kila kata haiwezekani na hivyo kuiita ile ni ahadi hewa" Alisema Mheshimiwa Kikwete huku umati mkubwa wa watu ukikiri kuwepo kwa sekondari hizo za kata.

Aliwasifu wananchi wa Singida Kaskazinikuwa kwenye upande wa afya, zahanati zao zote zina umeme wa mwanga wa jua. Alisema hiyo ni jitihada kubwa na kwa upande wake na serikali, wataendelea kusaidia pale watakapoweza.

Pia Mheshimiwa Kikwete alielezea upande wa afya kuhusu jitihada za muda mrefu za kupambana na magonjwa sugu kama kansa ya shingo ya kizazi kwa wakina mama ambapo alieleza chanjo itaanza kutolewa mwaka ujao.

Kwa upande wa malaria alisema mpango wa kugawa vyandarua viwili kwa kila kaya utaanza hivi karibuni. Na mwisho kwenye vita dhidi ya UKIMWI, Mheshimiwa Kikwete alisema ni jitihada ya watanzania wote kukataa kupata UKIMWI, hiyo ndio kinga pekee.

Kabla ya kufanya mkutano huo mkubwa wa Ilongero, msafara wa Mheshimiwa Kikwete ulifanya mikutano Mdida na Mtinku Singida Kaskazini na hatimaye Ilongero.

Kutoka hapa Mheshimiwa Kikwete ataelekea Singida Mjini kwa mkutano mkubwa wa kampeni.

Mkutano wa Kampeni Nduguti, Wilayani Iramba - Singida: JK apokelea na vikundi vya kwaya na nyimbo za kumsifu

2010-10-02T11:57:00.002+03:00

Mheshimiwa Kikwete akisalimiana na kiongozi wa kikundi cha kwaya cha kata ya Iguguno leo mara baada ya kikundi hicho kutumbuiza katika mkutano wa kampeni Nduguti, Singida.

Vikundi vya kwaya vya Nduguti vimesihi wana Singida na watanzania kwa ujumla kumchagua Mheshimiwa Kikwete na CCM kwani kufanya vinginevyo ni kupoteza muda.

Vikundi hivyo kutoka kata za Ilunda na Iguguno vilisisimua umati wa watu uliohudhuria mkutano huo kwa maneno ya hamasa na mshikamo, vilielezea mafanikio ya serikali ya CCM na maendeleo yaliyoletwa na Mheshimiwa Kikwete kwa kipindi chake cha uongozi miaka mitano iliyopita.

Akisoma mafanikio ya utekelezaji wa ilani ya CCM 2005 - 2010, katibu wa CCM wilaya alielezea mafanikio kwa upande wa elimu, miundombinu, vituo vya afya na upatikanaji wa maji safi.

Kabla ya kusimama Nduguti, msafara wa Mheshimiwa Kikwete uliotokea Kiomboi Iramba ulisimama vijiji vya Ulemba, Kiele, Kinampanda, Msingi na Bimanga Wilayani Iramba. Baadaye mchana huu wa leo, msafara huo unatarajiwa kuingia Singida vijijini na baadae Singida mjini kwa mkutano wa mwisho wa kampeni.

Mkutano wa Kampeni Kiomboi, Iramba Mkoani Singida: Obama aahidi neema kwa Watanzania

2010-10-01T22:54:00.001+03:00

Mkutano wa kampeni Kiomboi leo jioni.

Mheshimiwa Kikwete akiwasili Kiomboi kwa ajili ya mkutano wa kampeni. Mkutano huu utakuwa wa mwisho kwa siku ya leo na kesho anatarajiwa kuwa na mikutano Singida vijijini na Singinda Mjini.

Na Joseph Mwendapole, Singida

MGOMBEA urais kwa tiketi ya CCM, Jakaya Kikwete, amesema Rais wa Marekani, Barack Obama , ameahidi kuipa kipaumbele Tanzania katika kuimwagia misaada kuliko nchi zingine za Afrika.

Vile vile, amesema anajisikia fahari kubwa kuwa Rais wa kwanza wa bara la Afrika kukutana na Rais huyo wa Marekani.

Aliyasema hayo jana wakati akizungumza na wakazi wa Iramba Magharibi mkoani Singida katika mkutano wa kampeni.

Kikwete alisema obama alitoa ahadi hiyo hivi karibuni katika mkutano wa Umoja wa Mataifa.

Kikwete alisema kutokana na utendaji mzuri wa serikali yake, Rais Obama alimpa nafasi ya pekee ya kuwa Rais wa kwanza wa afrika kukutana naye ambapo walizungumza mambo mbalimbali.

Alisema hiyo imetokana na utendaji mzuri wa serikali yake katika kuwakwamua wananchi katika matatizo mbalimbali na kuwasogezea karibu huduma za jamii.

“Obama alianza kukutana namimi na alinieleza sababu za kuanza kukutana na mimi na si viongozi wengine wa bara la Afrika, juzi juzi tena akiwa UN aliahidi kuwa Tanzania itapewa kipaumbele kwa kupata misaada ya Marekani, ndiyo maana nawaambia sisi tunaaminika na tukiahidi tunatekeleza nawaomba muichague CCM iendelee kuwaletea maendeleo,” alisema Kikwete.

Alisema ingawa Tanzania bado ni maskini lakini maendeleo yaliyopatikana tangu uhuru hayapaswi kubezwa kwani maendeleo makubwa yamepatikana katika Nyanja za barabara, elimu, afya na miundombinu.

Kuhusu elimu, Kikwete alisema serikali iliahidi katika Ilani ya mwaka 2005 kujenga shule za sekondari kila kata na imefanikiwa kutekeleza ahadi hiyo hivyo aliomba achaguliwe kwa muhula mwingine wa miaka mitano.

Alisema upungufu wa walimu umetafutiwa majibu kwani vyuo vingi vikuu hivi sasa vimeanzisha vitivo vya kufundisha walimu na kwamba baada ya miaka mitatu tatizo hilo litabaki kuwa historia.

Alisema walimu wote watakaokuwa wakimaliza vyuo vya ualimu watakuwa wakichukuliwa na serikali na kugawanywa katika shule zote za sekondari hapa nchini.

Alisema bajeti ya elimu imeongezwa kutoka bilioni 669 hadi trilioni 2.45 na kwamba bajeti hiyo ndiyo kubwa kuliko bajeti zote kwenye bajeti ya mwaka wa fedha wa 2010/2011.

Kuhusu vitabu, Kikwete alisema amewaagiza maprofesa wa Tanzania waandike vitabu na wamarekani wamehidi kusaidia uchapishaji hivyo tatizo la vitabu litaisha kuanzia mwakani kwani kila mwanafunzi atakuwa na kitabu chake.

Alisema benki ya maendeleo ya Afrika ADB imeahidi kuikopesha serikali ya Tanzania dola za Marekani milioni 90 ambazo zitatumika kujenga maabara katika shule za sekondari na kukarabati maabara za zamani.

Kuhusu hospitali ya Wilaya ya Kiomboi mkoani Singida, kikwete alisema serikali itaendelea kuiboresha hadi ifikie viwango vya kimataifa na itakarabati zahanati na vituo vya afya vilivyopo katika wilaya hiyo.

Mkutano wa Kampeni Kiomboi: Picha

2010-10-01T18:55:00.001+03:00

Mheshimiwa Jakaya Mrisho Kikwete akihutubia mkutano wa kampeni Kiomboi Singida jioni ya leo tarehe 1.10.2010

Kikundi cha ngoma cha Kiomboi kikitumbuiza umati mkubwa wa watu uliofika kwenye mkutano wa kampeni za Mheshimiwa Kikwete Kiomboi Singida. Kikundi hicho kilitambulishwa kama Makirikiri ya Singida.

Mapokezi ya chipukizi wa Chama Cha Mapinduzi kwa Mheshimiwa Kikwete mara baada ya kuwasili Kiomboi, Iramba Mkoani Singida.

"Bahari ya Mikono" au "sea of hands" Mheshimiwa Kikwete akisamilimiana na wananchi wa Kiomboi Singida leo